Wuj Richin Bix Chire ri Dios 85:12 - Kaqchiquel Bible

¹² Ri Jehová kan xtuya' k'a ri urtisanik pa qawi', y ri qaruwach'ulew kan xtiwachin k'a.

Wuj Richin Bix Chire ri Dios 85:12 ပူးပေါင်းရင်းမြစ်များ

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Bix Chire ri Dios 67:6

Re ruwach'ulew kan xtiwachin k'a; roma rat xqojawurtisaj, rat ri at qa-Dios.

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Hechos 21:20

Toq xkak'axaj ri xubij ri Pablo chike, rije' xkiya' k'a ruq'ij-ruk'ojlen ri Dios roma ri'. Jak'a rije' xkibij chire ri Pablo: Qach'alal, janila k'a nikikot ri qánima roma ri xatzijoj-qa chiqe, jak'a ek'o man keri' ta. Rat kan awetaman chik k'a chi e janila e k'iy judío ri kiniman chik, y ja rije' k'a ri yebin chi kan nik'atzin chi niban ri nubij chupan ri pixa' ri richin kan ri Moisés.

San Mateo 13:23

Jak'a ri ija'tz ri xqaqa pa jun utzilej ulew, kan nich'on-wi k'a chikij ri winaqi' ri nikak'axaj ri ruch'abel ri Dios, y kan nuk'en-wi-qa ruxe' ri ruch'abel ri Dios kik'in y ri kik'aslen niwachin jebel. Kan niwachin k'a achi'el nikiben ri ija'tz. Roma k'o ija'tz nikiya' k'a juwineq lajuj kiwech; ek'o nikiya' oxk'al kiwech y ek'o kan wok'al ri nikiya'. Kan keri' k'a nuben ruk'aslen ri wineq ri nuk'en-qa ri ruch'abel ri Dios pa ránima, xcha' ri Jesús.

Wuj Richin ri Zacarías 8:12

Chupan ri q'ij ri' ri ija'tz kan jebel xkebos-pe, y ri juwi-uva xa kan xtik'oje' ruwech. Ri qasanbel-ulew kan xtik'ase' ri tiko'n chuwech, y xtinben k'a chi xtiqaqa raxq'ab pa ruwi' ri iruwach'ulew. Chuqa' xtinben chi ri iwinaq ri xek'oje' kan, kan xtok kichin ronojel re'.

Wuj Richin ri Miqueas 6:8

Ri Jehová kan ruq'alajirisan chik k'a chiqe ri utz ri k'o chi niqaben. ¿Achike k'a nrajo' chiqe roj? Rija' nrajo' k'a chi roj xaxe ta ri ruchojmilal ri niqaben. Nrajo' chi niqajoyowaj ta kiwech ri ch'aqa' chik winaqi', y rik'in qasanri'il niqanimaj rutzij ri Dios.

Wuj Richin Bix Chire ri Dios 72:16

Kan pa ruk'iyal k'a ri ixin ri xtiwachin chiri'; kan ta k'a k'iy ri tiko'n xtiwachin pa ruwi' ri juyu'. Kan ta achi'el kibanon ri che' chuwech ri Líbano, y kan ta achi'el nik'iy-pe ri q'ayis, xtik'iy-pe ri trigo.

Hechos 2:41

Ri winaqi' k'a ri xek'ulun ri ruch'abel ri Dios pa taq kánima chupan ri q'ij ri', xqasex-ya' pa kiwi' richin jun retal. Keri' chupan ri q'ij ri' e jun la'eq 3,000 winaqi' ri xjunamatej-kiwech rik'in ri Pedro y kik'in ri ch'aqa' chik ri e taqon roma ri Cristo.

San Mateo 13:8

Jak'a ri ch'aqa' chik ija'tz xqaqa pa jun utzilej ulew, y ri tiko'n jebel xek'iy y xewachin jebel. Roma ri' k'o ija'tz ri xkiyala' juwineq lajuj kiwech, k'o xkiyala' oxk'al y k'o xkiyala' wok'al kiwech.

Wuj Richin ri Isaías 32:15

Jak'a toq ri ru-Espíritu ri Dios xtipe chila' chikaj pa kiwi' ri winaqi', jari' toq ri tz'iran ruwach'ulew kan xtok ulew richin tiko'n, y ri ulew richin tiko'n kan más k'a ri xtiwachin.

Wuj Richin ri Chojmirisabelri'il 25:19

Ri ulew kan xtiwachin k'a y xtitej ronojel ri xtuya' y kan xtinoj k'a ipan chire y kan xkixk'ase' chiri' rik'in uxlanibel-k'u'x.

Wuj Richin ri Isaías 45:8

Ri ruchojmilal kan ta chila' chikaj xtipe-wi, achi'el toq niqaqa-pe ri raxq'ab chila' chikaj. Y ri winaqi' kan xtikik'ul-q'anej, achi'el toq yebos-pe ri q'ayis toq k'o job. Kan keri' k'a xtuben ri kolotajik. Yin Jehová ri xkibanon.