Wuj Richin Bix Chire ri Dios 85:11 - Kaqchiquel Bible

¹¹ Y roj, pa ruk'exel niqamalij kan ri qa-Dios, xa más yojel-q'anej rik'in. Y rija' yojrutzu-pe rik'in ruchojmilal.

Wuj Richin Bix Chire ri Dios 85:11 ပူးပေါင်းရင်းမြစ်များ

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Wuj Richin ri Isaías 45:8

Ri ruchojmilal kan ta chila' chikaj xtipe-wi, achi'el toq niqaqa-pe ri raxq'ab chila' chikaj. Y ri winaqi' kan xtikik'ul-q'anej, achi'el toq yebos-pe ri q'ayis toq k'o job. Kan keri' k'a xtuben ri kolotajik. Yin Jehová ri xkibanon.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Wuj Richin ri Isaías 53:2

Ri rusamajel ri Jehová man jebel ta xk'iy, xa achi'el ok jun che' o jun q'ayis ri nibebos-pe pa chaqi'j ulew. Man jebel ta ok ri rubanik, chuqa' ri nitzu'un; richin roj xqatzeqelibej ta.

Wuj Richin ri Isaías 42:21

Kan xinnimirisaj y xinya' ruq'ij ri nupixa', roma yin kan jantape' ninben pa ruchojmilal.

Wuj Richin ri Isaías 4:2

Chirij re' xtapon k'a jun q'ij toq ri Jehová xtuben chik chire ri ruwach'ulew Israel kan janila jebel y kan xtibeya'ox janila rejqalen. Y ri winaqi' ri xkek'oje' kan chiri' kan xtinimirisex kiq'ij roma ri tiko'n ri xtibewachin chuwech ri kiruwach'ulew.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

Wuj Richin Bix Chire ri Dios 72:3

Y roma ri pa ruchojmilal niq'aton-tzij, ri winaqi' nikil uxlanibel-k'u'x y ruchojmilal ri pa ruwi' taq juyu'.