Wuj Richin Bix Chire ri Dios 83:5 - Kaqchiquel Bible

⁵ Kan jun k'a kiwech kibanon chire re ch'obonik re'. Kan xkiyala' k'a kitzij chi yeyakatej chawij.

Wuj Richin Bix Chire ri Dios 83:5 ပူးပေါင်းရင်းမြစ်များ

2 Crón 20:11

Y wakami ja rajel ruk'exel re' ri nikiya' chiqe, chi nikajo' yojkelesaj-el re wawe' chupan re ruwach'ulew ri awichin rat ri xaya' chiqe roj richin xqichinaj.

Ester 3:6

Toq ri Amán xunabej chi ri Mardoqueo jun judío, kan jari' xuch'ob richin yeruk'is, rija' y konojel ri ruwinaq ri ek'o chuxe' ri rutzij ri rey Asuero.

Wuj Richin Bix Chire ri Dios 124:3

kan ta keri' oj k'es xojkibeq', toq yakatajineq janila koyowal chiqij.

Wuj Richin Bix Chire ri Dios 2:2

Yeyakatej k'a ri q'atoy taq tzij kichin ri ruwach'ulew, y ri tata'al nikiya' chikiwech, richin yeyakatej chirij ri Jehová y ri rey ri rucha'on rija'.

Wuj Richin Bix Chire ri Dios 74:8

Kan xkiya' k'a chikiwech richin yojkik'is jumul. Xekiporoj k'a ronojel jay ri akuchi niqamol-wi-qi' richin niqaya' aq'ij.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin ri Isaías 7:2

Y toq xya'ox rutzijol chire ri rey Acaz y ri aj-Judá chi ri aj-Siria xjunamatej-kiwech kik'in ri aj-Israel, jari' toq ri aj-Judá kan janila xsilon ri kánima roma xibinri'il, achi'el toq yesilon ri nima'q taq che' roma ri kaq'iq'.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Ez 25:15

Kere' xubij ri Jehová: Ri aj-Filistea rik'in janila koyowal xkiya' rutojbalil chike ri nuwinaq israelita, roma rije' kan ojer-pe-ri' ketzelan-ki' y kan xkijech k'a ki' richin chi xkekik'is jumul ri nuwinaq.

Wuj Richin ri Miqueas 4:11

Y toq xtapon ri q'ij ri', xa xtikimol-ki' e k'iy winaqi' richin xkeyakatej chiwij. Y rije' xtikibij: Jare' ri qarayibel pa ruwi' ri tinamit Sión. Kan xtiqasex k'a ruq'ij, xkecha'.

Wuj Richin ri Josúe 7:9

Roma ri aj-Canaán y konojel ri ek'o chuwech re ruwach'ulew xtikak'axaj re xbanatej; xtikisutij-qij, y kan xqojkik'is k'a jumul chuwech re ruwach'ulew. ¿Achike k'a xtaben wakami richin nanimirisaj ri utzilej atzijol?, xcha'.

Apocalipsis 17:13

Re lajuj rey re' kan junan kiwech, y xtikiya' chikiwech richin nikiya' ri kiq'atbal-tzij y ri kuchuq'a' pa ruq'a' ri keq rij chikop ri'.

Apocalipsis 19:19

Y jari' k'a toq yin xintz'et chik ri keq rij chikop e rachibilan ri rey richin ri ruwach'ulew, y kan e janila chuqa' aj-labal ri e kachibilan-el. Y konojel re' kan kimolon-ki' richin nikiben oyowal rik'in ri jun ri ch'okol chirij ri seq rij kiej y kik'in chuqa' ri e tzeqelibeyon richin.