Wuj Richin Bix Chire ri Dios 83:4 - Kaqchiquel Bible

⁴ Xkich'ob k'a chi yeyakatej chiqij roj israelita, richin yojkik'is; kan nikajo' k'a nikiyoj jumul ri rubi' re qaruwach'ulew.

Wuj Richin Bix Chire ri Dios 83:4 ပူးပေါင်းရင်းမြစ်များ

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.

Wuj Richin ri Jeremías 48:2

Ri iruwaq'ijaj rix aj-Moab xa xtik'is, roma chiri' pa tinamit Hesbón ri e etzelanel iwichin nikich'ob richin yixkik'is. Chuqa' rix ri aj-Madmén kan xkixkik'is y ri labal man jun bey xkixruya' kan.

Wuj Richin Bix Chire ri Dios 74:8

Kan xkiya' k'a chikiwech richin yojkik'is jumul. Xekiporoj k'a ronojel jay ri akuchi niqamol-wi-qi' richin niqaya' aq'ij.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Ex 1:10

Wakami k'a qojok aj-na'oj y tiqanojij k'a achike niqaben chike. Richin man tiqaya' q'ij chi yek'iyer más, man xa titz'ukutej jun labal y nikitun-ki' kik'in ri e etzelanel qichin y yeyakatej chiqij y ye'animej-el chupan re qaruwach'ulew, xcha' ri rey.

Wuj Richin ri Jeremías 31:36

Yin ninjikiba' chi rokik niyaloj ronojel re', kan jantape' k'a xkek'oje' ri rijatzul kan ri Israel, kan jantape' xke'ok nutinamit yin. Yin Jehová ri yibin.

Wuj Richin Etamabel-Tzij 1:12

Xa jubeq' k'a xtiqabanala' chike ri winaqi', achi'el nuben ri jul chike ri ch'akulaj e kaminaqi' chik. Xa kan chi tz'aqet xkeqabeq', achi'el toq k'o jun ri nitzaq pa jun jul.

Hechos 4:17

Xaxe k'a richin man nibiyin más rutzijol ri xbanatej, keqach'olij richin man jun tikiben pa rubi' rija', xecha'.

Wuj Richin ri Josúe 9:2

xkimol k'a ki' richin nibekibana' oyowal rik'in ri Josué y ri e ruwinaq.

Wuj Richin ri Nehemías 4:2

Y xch'on k'a kik'in ri e rachibil y kik'in ri aj-labal aj-Samaria y xubij: ¿Achike k'a yetajin chubanik re tzalatzeq y nakaneq taq israelita re'? ¿Nikich'ob rije' chi roma nikisuj kamelabel, xtikik'is ri samaj pa jun q'ij? ¿Nikich'ob rije' chi chukojol ri rupoqolajul y ruchajul ri xek'at yan yebe'el chik pe abej richin nikichojmirisaj ri tz'aq?, xcha'.

Ez 38:10

Yin Jehová ri yibin ronojel re'. Chupan k'a ri q'ij ri', rat kan xke'ach'obola' k'a janila itzel taq banobel.