Wuj Richin Bix Chire ri Dios 83:14 - Kaqchiquel Bible

^14-15 Kan ke'atzeqelibej k'a rik'in ri awuchuq'a', achi'el ri q'aq' ri nijote-q'anej chi'anin pa jun juyu'. Tabana' chi nisach kik'u'x, achi'el toq ri q'aq' nibe-q'anej chi'anin chuwa taq juyu'.

Wuj Richin Bix Chire ri Dios 83:14 ပူးပေါင်းရင်းမြစ်များ

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Wuj Richin ri Isaías 9:18

Kan qitzij na wi chi ri etzelal chi'anin nutaluj-ri', achi'el toq nitzijtej jun q'aq' pa jun li'aj-k'ix nuk'is ronojel. Chuqa' nuk'is chijun k'echelaj, y k'ari' yerusututej chikaj ri sib achi'el nuben jun sutz'.

Wuj Richin ri Nahum 1:10

Ri e etzelanel kan kisuq'un-ki' chupan jun k'ix ri man yetikir ta chik nikikol-ki'. Chuqa' kan achi'el nuben jun q'abarel. Kan xkek'is k'a achi'el ri chaqi'j k'im.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Achin Job 21:18

Rije' kan man e achi'el ta ri páxa ri man k'ayew ta nuk'uaj-el kaq'iq', chuqa' man e achi'el ta ri solot ri man k'ayew ta chi nuyek-el ri surkum.

Wuj Richin ri Isaías 17:13

Jak'a ri Dios yeruch'olij ri winaqi' ri', y rije' xa kan ye'animej-el nej. Xke'uk'uex-el achi'el ri páxa ri uk'uan-el roma ri kaq'iq'. Xketalux-el achi'el nuben ri surkum rik'in ri poqolaj.