Wuj Richin Bix Chire ri Dios 82:8 - Kaqchiquel Bible

⁸ Roma ronojel re', nimalej Dios, kan kayakatej k'a richin naq'et-tzij pa ruwi' chijun ri ruwach'ulew. Taq'ata-tzij pa ruwi' roma kan ja rat ri at rajaw.

Wuj Richin Bix Chire ri Dios 82:8 ပူးပေါင်းရင်းမြစ်များ

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Wuj Richin Bix Chire ri Dios 2:8

Tak'utuj k'a chuwe, y yin xtinya' chawe ronojel ruwach'ulew richin xtawichinaj. Kan chijun k'a ri ruwach'ulew xtok awichin.

Wuj Richin Bix Chire ri Dios 96:13

Ronojel k'a re' tiqabana' chuwech ri Jehová ri xtipe. Kan xtipe k'a richin noruq'ata-tzij pa ruwi' ri ruwach'ulew. Rik'in k'a ruchojmilal xtuq'et-tzij pa qawi' qonojel ri ojk'o chuwech re ruwach'ulew. Xtuq'et-tzij pa kiwi' ri tinamit rik'in ri ruch'abel rija'.

Wuj Richin Bix Chire ri Dios 22:28

Roma kan awichin rat Jehová ri ajawaren. Kan ja rat k'a ri xkaq'aton-tzij pa ruwi' chijun ri ruwach'ulew.

Wuj Richin Bix Chire ri Dios 102:13

Ri q'ij richin najoyowaj chik ruwech ri Sión kan xapon k'a. Y kan xtz'aqet yan k'a ri q'ij ri abin-pe. Roma ri' kan xkayakatej k'a pe y xtajoyowaj chik ruwech.

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.

Wuj Richin Bix Chire ri Dios 44:26

Roma ri' Jehová, kayakatej richin yojato'. Qojakolo' rik'in ri ajoyowanik.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin ri Isaías 51:9

Y ri winaqi' nikibij: Jak'a rat Jehová, kan takusaj k'a ri awuchuq'a'. Kan takusaj achi'el xakusaj ri ojer kan kik'in ri winaqi' chi wiq chi tanaj. Ja rat xak'ajin richin ri Rahab*f12* y xakamisaj ri nimalej chikop ri'.

Wuj Richin Bix Chire ri Dios 7:6

¡Jehová, kayakatej k'a chi nuto'ik! kan rik'in k'a awoyowal, kayakatej chikij ri e etzelanel wichin. Rat kan abin chi kan naya-wi rutojbalil, kan kinato' k'a wakami.

Wuj Richin Bix Chire ri Dios 76:10

Kan qitzij wi chi chupan ri royowal ri wineq, xa kan ninimer ri utzilej atzijol rat. Kan ja rat xkaqasan ruwi' ronojel ri ch'aqa' chik oyowalen.

Wuj Richin Bix Chire ri Dios 94:2

Rat ri yachojmirisan ronojel ri nibanatej chuwech chijun ri ruwach'ulew. Kayakatej k'a y tataqa-pe ri awoyowal pa kiwi' ri kinimirisan-ki'.