Wuj Richin Bix Chire ri Dios 81:5 - Kaqchiquel Bible

⁵ Jare' ri xuya' chike ri qati't-qamama', toq rija' xyakatej chikij ri aj-Egipto. Xak'axatej k'a jun rutzijol ri man jun bey ak'axan, y kere' xubij:

Wuj Richin Bix Chire ri Dios 81:5 ပူးပေါင်းရင်းမြစ်များ

Wuj Richin Bix Chire ri Dios 114:1

Toq ri winaqi' israelita xe'el-pe pan Egipto, toq ri e rijatzul kan ri Jacob xe'el-pe chupan ri ruwach'ulew ri xa man kichin ta rije',

Wuj Richin ri Jeremías 5:15

Y chuqa' ninbij chiwe rix nutinamit, chi yin xkenteq-pe winaqi' chiwij ri k'a janila nej yepe-wi, jun tinamit ri k'o ruchuq'a' y kan ojer ri' k'o-pe. Y rix kan man xtiq'ax ta k'a chiwech ri kich'abel rije'.

Deut 28:49

Ri Jehová xtuteq-pe chiwij jun ruwach'ulew ri k'o janila nej y man xtiq'ax ta ri kich'abel chiwech; kan xkeyakatej k'a pe chiwij richin nokibana' oyowal iwik'in; kan xkeqaqa k'a chiwij, achi'el nuben jun kot, toq k'o ruq'ijun.

Wuj Richin Bix Chire ri Dios 77:15

Rik'in ri awuchuq'a' xojakol roj ri oj atinamit, ri oj kijatzul kan ri Jacob y ri José.

Wuj Richin ri Isaías 28:11

Roma ri' ri Jehová kan xtich'on iwik'in pa jun chik ch'abel, y xtich'on iwik'in rik'in ruq'abal achi'el chire jun mem.

Ex 12:27

Wi keri', rix kan tibij chike: Re ti chikop re' jare' ri niqakamisaj richin niqaya' ruq'ij ri Jehová, roma rija' xuya' ri solbelri'il chiqe chupan ri aq'a' toq xerukamisaj ri nabey taq ak'uala' kichin ri aj-Egipto; y roj kan xojtotej kan, xcha' ri Moisés. Y jari' toq ri winaqi' xexuke' y xkiqasaj-ki' pan ulew richin xkiya' ruq'ij ri Jehová.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 11:4

Y toq ri Moisés k'a k'o na chiri' rik'in ri rey, xubij chire: Jare' ri nubij ri Jehová: Pa nik'aj-aq'a' xkiq'ax chupan chijun ri Egipto.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Ez 20:20

Chuqa' kan tikichajij ri q'ij richin uxlanen, roma re' kan jun retal chiqakojol, chi ja yin Jehová ri in ki-Dios.

Wuj Richin Bix Chire ri Dios 78:6

richin chi ri sol winaqi' ri xkepe, niketamaj, y xtikitzijoj chik chike ri kalk'ual rije'. Y ri kalk'ual chik re winaqi' re' kan xtikitzijoj chik chike ri kalk'ual rije'.

Deut 4:45

Ri pixa' richin ruchojmilal, ri pixa' ri ya'on chire ri tinamit, ri pixa' ri richin re q'ij re', y ri xubij ri Moisés chike ri israelita toq xe'el-pe pan Egipto.

Ex 12:29

Y pa nik'aj-aq'a' ri Jehová xerukamisaj k'a konojel ri e nabey taq al alaboni' ri aj-Egipto. Xken k'a ri nabey ruk'ajol ri rey, ri niq'aton-tzij. Chuqa' xeken konojel ri nabey taq al alaboni' kichin konojel y chuqa' kichin ri ek'o pa cárcel y ri nabey taq kal ri kawej.