Wuj Richin Bix Chire ri Dios 81:3 - Kaqchiquel Bible

³ Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.

Wuj Richin Bix Chire ri Dios 81:3 ပူးပေါင်းရင်းမြစ်များ

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

Wuj Richin ri Q'axanri'il 15:3

Nik'en-pe jun chike ri nima'q o kokoj taq iwawej richin nijubulin chinuwech. Y re chikop re' xtik'atzin richin niporox chijun, richin jun kamelabel, chuqa' toq k'o jun ri nisuj chi niben chinuwech yin y toq nik'en-pe roma nalex-pe pan iwánima o toq niben jun nimaq'ij richin niya' nuq'ij.

2 Crón 13:14

Toq ri aj-Judá xetzu'un kan chikij, jari' toq xkinabej chi xa najin chik ri oyowal chikij y chikiwech. Kan jari' toq xkinataj rubi' ri Jehová, y ri e sacerdote xkichop nikixupuj ri ki-trompeta.

2 Crón 13:12

Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

2 Crón 5:12

K'ari' konojel ri e levita ri e bixanela'; ri Asaf, ri Hemán, y ri Jedutún, junan kik'in ri kalk'ual y ri kach'alal e pa'el-apo chiri' pa relebel-q'ij chire ri porobel, kikusan ri kitziaq banon rik'in lino, y kik'uan jalajoj ruwech q'ojom, achi'el ri platillo, ri salterio, y ri arpa. Kik'in rije' ek'o chuqa' 120 sacerdote ri nikixupuj trompeta.

1 Crón 16:42

Rije' nikixupuj trompeta, nikiq'ojomaj ri platillo y ri ch'aqa' chik kiwech q'ojom richin chi nikibixaj rubi' ri Dios. Ri e ruk'ajol ri Jedutún, jari' ri yechajin ri ruchi' ri rachoch ri Dios.

1 Crón 16:6

Y ri e sacerdote Benaías y ri Jahaziel, ja rije' ri yexupun ri trompeta chuwech ri rukáxa ri Dios.

1 Crón 15:24

Y ri yexupun ri trompeta chuwech ri káxa ja ri sacerdote Sebanías, ri Josafat, ri Natanael, ri Amasai, ri Zacarías, ri Benaías y ri Eliézer. Ri Obed-edom y ri Jehías chuqa' nikichajij ri káxa.

2 Rey 4:23

Y ri rachijil xubij: ¿Achike roma nabetz'eta' re wakami? Roma wakami man nimaq'ij ta richin ri k'ak'a' ik', ni man q'ij ta richin uxlanen, xcha'. Y rija' xubij chire ri rachijil: Man taxibij-awi', xcha'.

Deut 16:15

Wuqu' k'a q'ij xkixnimaq'ijun richin niya' ruq'ij-ruk'ojlen ri Jehová ri qa-Dios chiri' akuchi rucha'on-wi rija', roma kan xtuya' urtisanik pan iwi' rik'in ronojel ri itiko'n y pa ruwi' ronojel ri samaj ri xtiben. Kan xkixnimaq'ijun rik'in janila kikoten.

Wuj Richin ri Q'axanri'il 28:11

Ri nabey q'ij chire ri ik' xtikisuj chinuwech yin, ka'i' nima-alaj achij wákix, jun achij karne'l y wuqu' achij karne'l ri jujun kijuna' y konojel re' kan e tz'aqet.

Colosenses 2:16

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri K'uxla'anik 2:6

Ri rachoch rija' kan xuwulaj k'a el, achi'el niban chire jun ti mo'k ri k'o chupan ri tiko'n. Xuwulaj k'a el ri akuchi niban-wi molojri'il. Ri Jehová xrelesaj k'a el chupan ri tinamit Sión ri nimaq'ij y ri q'ij richin uxlanen. Roma ri royowal kan xerixowaj k'a kan ri rey y ri e sacerdote.

Wuj Richin Bix Chire ri Dios 98:6

Tiya' ruq'ij ri Jehová rik'in trompeta, y rik'in xupubel ri e banon rik'in uk'a'. Kan keri' tibana' chuwech ri Jehová ri rey.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

1 Crón 15:16

Y ri David xubij k'a chuqa' chike ri aj-raqen pa kiwi' ri e levita chi kecha'ox ri bixanela' y nikibixaj bix richin kikoten, chuqa' kecha'ox ri q'ojomanela' rik'in jalajoj ruwech q'ojom achi'el ri salterio, ri arpa y ri platillo.

1 Crón 25:1

Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

Wuj Richin Bix Chire ri Dios 33:2

Tiya' ruq'ij ri Jehová rik'in ri arpa. Kixbixan rik'in ri q'ojom rubini'an salterio.

Wuj Richin Bix Chire ri Dios 149:3

Kan tibixex k'a ri rubi' y ketzopin roma kikoten. Rik'in ri pandero y ri arpa kebixan richin nikiya' ruq'ij.