Wuj Richin Bix Chire ri Dios 80:9 - Kaqchiquel Bible

⁹ Xachojmirisaj ri akuchi xek'oje-wi, y xe'ajikiba' jebel; rije' kan xek'iyer k'a chuwech ri ruwach'ulew k'a re wakami.

Wuj Richin Bix Chire ri Dios 80:9 ပူးပေါင်းရင်းမြစ်များ

Wuj Richin ri Josúe 24:12

Nabey chire ronojel ri', xinben chike ri e ka'i' rey kichin ri amorreo chi xe'animej-el chiwech. Man ja ta k'a ri i-espada y ni ta ri rute-ich'ab ri xbanon, xinben chi chaq k'ate' xkik'en jun nimalej rukiy richin xe'animej-el.

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Wuj Richin ri Jeremías 12:2

Ja rat xatikon kichin achi'el jun che' y rije' ruk'amon-qa jebel kixe'; xek'iy-q'anej y xkiya' kiwech jebel. Stape' rije' yech'on pan abi', ri kánima kan nej k'a k'o kan chawe rat.

Wuj Richin ri Isaías 37:31

Y ri e rijatzul kan ri Judá kan k'a xkek'ase' na jujun chike rije'. Y rije' kan jebel chik xtijike' ri kixe', y xkewachin achi'el nuben jun che'.

Wuj Richin Bix Chire ri Dios 105:44

K'ari' xuya' k'a chike ri kiruwach'ulew ri ch'aqa' chik winaqi'. Ri kisamajin-qa ri winaqi' richin ch'aqa' chik tinamit jari' ri xkichinaj kan.

1 Crón 21:5

Ri Joab xujech k'a ri kajlabal ri achi'a' chire ri David; y ri kajlabal, e 1,100,000 achi'a' ri yetikir yebanon labal rik'in espada ri chiri' pa xaman chire ri ruwach'ulew Israel, y ek'o chuqa' 470,000 ri chiri' pa xokon chire ri ruwach'ulew Judá.

1 Rey 4:25

Chijun ruk'aslen ri rey Salomón, ri winaqi' aj-Judá, y ri aj-Israel kan kuqul k'a kik'u'x xek'oje' k'a pa taq kachoch, roma man jun chik xnaqon kichin. Y kan keri' k'a xkiben chijun ruwach'ulew, nitiker-pe pa Dan y napon k'a pa Beerseba.

1 Rey 4:20

Ri aj-Judá y ri aj-Israel kan e janila k'a chi winaqi', ri kajlabal kan achi'el chik k'a ri sanayi' ri k'o chuchi' ri palou. Rije' kan jebel k'a ri k'aslen kik'uan roma jebel yewa' y ye'uk'ya', y kan janila k'a kikoten k'o kik'in.

2 Sam 7:10

Y pa ruwi' ri' yin xinya' jun ruwach'ulew chiwe rix israelita, ri ix nutinamit. Wawe' k'a xkixk'oje-wi richin q'asen, y man jun chik xtinaqo iwichin. Ri itzel taq winaqi' man chik xkixkiya' ta pa tijoj-poqonal achi'el ri kibanon-pe chike ri iwati't-imama',

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin ri Isaías 5:2

Xujosq'ij k'a jebel ri ulew ri' y xrelesaj-el ronojel ri abej chupan. Xerucha' k'a ri más utz ruxe' ri uva y jari' ri xutik-qa. Y pa nik'aj chire ri rutiko'n ri' xupaba' jun tobel richin nichajix ri uva. Chirij re' xuk'ot k'a jun jul, y chiri' xuben jun yitz'bel-uva; y xroyobej k'a chi ri rutiko'n nuya-pe uva ki'. Jak'a pa ruk'exel ri uva ki', xa ch'amilej-uva ri xuya'.

Wuj Richin ri Isaías 27:2

Chupan ri q'ij ri' ri Jehová xtubij: Kixbixan chirij ri tiko'n richin uva, ri xuya' vino pa ruk'iyal.

Wuj Richin ri Jeremías 2:21

Yin xixinya' k'a chuwech re ruwach'ulew achi'el ri uva ri más jebel, achi'el ri ija'tz richin ri uva ri más jebel. Jak'a rix xa kan janila ix yojtajineq chik y kan man ninwetamaj ta chik iwech.