Wuj Richin Bix Chire ri Dios 80:6 - Kaqchiquel Bible

⁶ Xaya' q'ij chi yojkiyojobej ri winaqi' ri ek'o chiqanaqaj, ri e etzelanel qichin kan yetze'en chiqij.

Wuj Richin Bix Chire ri Dios 80:6 ပူးပေါင်းရင်းမြစ်များ

Wuj Richin Bix Chire ri Dios 79:4

Kan yojkiyojobej ri ek'o chiqanaqaj. Ri ch'aqa' chik ruwach'ulew yetze'en chiqij.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

Ez 36:4

Roma ri' tak'axatej k'a ri nuch'abel pa ruwi' taq juyu', ri kokoj taq juyu', ri siwan, ri taq'aj kojol taq juyu', ri akuchi e wulatejineq kan y ri tinamit ri xe'ok kan tz'iran, chiri' ri akuchi xe'uk'uex-el ronojel ri ek'o chupan. Re ruwach'ulew re' xa kan xyojobex y roma ri' yin Jehová ninya' k'a nutzij chi

Wuj Richin ri Jeremías 48:27

roma rix aj-Moab, kan xixyojoben chikij ri israelita y xixch'on chikij rije' rik'in joyobenik, chi achi'el xa ta e eleq'oma'.

Wuj Richin ri Jeremías 15:10

Yin xinbij k'a qa: Toq'ex nuwech yin, roma ri nte' xiralaj chuwech re ruwach'ulew, xaxe richin konojel winaqi' nikiben oyowal wik'in. Man jun k'a achoq chire nuqajon-wi méro, ni man ya'on ta méro pa qajik chuwe yin. Man rik'in ri' konojel nikirayij chi niqaqa ta itzel pa nuwi'.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Wuj Richin ri Isaías 36:8

Wakami k'a yin xtinya' chiwe 2,000 kiej, wi rix ye'iwil achi'a' richin yech'oke' chikij. Xtiqaben oyowal, y xtiqatz'et achike k'a ri' xkech'akon, rix aj-Judá ó roj aj-Asiria.

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.