Wuj Richin Bix Chire ri Dios 80:13 - Kaqchiquel Bible

¹³ Rije' xa e achi'el juyubel aq ri xa nikikich rupan ri qaruwach'ulew; e achi'el ri k'uxunela' taq chikopi' ri xa xe'ok chupan richin xkik'is-el ronojel.

Wuj Richin Bix Chire ri Dios 80:13 ပူးပေါင်းရင်းမြစ်များ

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

Wuj Richin ri Jeremías 4:7

Ri nik'ison kichin ri tzobaj winaqi' ruchapon chik pe bey, achi'el jun koj ri xel yan pe pa rusok. Y rija' noruk'isa' ri iruwach'ulew richin chi nuben kan tz'iran chire y richin nuwulaj kan ronojel.

Wuj Richin ri Jeremías 52:7

K'ari' jujun chike rije' xkichop nikiwop jun jul chire ri tz'aq richin ri tinamit, stape' ri aj-Babilonia kisutin-rij ri tinamit. Jak'a ri Sedequías y ri aj-labal aj-Judá xe'animej-el chupan ri aq'a' ri'. Xe'el k'a el chiri' chupan ri okibel ri k'o chukojol ri ka'i' tz'aq ri akuchi tikon-wi kotz'i'j richin ri rey y xkik'uaj-el ri bey ri keri' pa taq'aj kojol juyu' richin ri raqen-ya' Jordán.

Wuj Richin ri Jeremías 51:34

Ri winaqi' aj-Jerusalem nikibij: Ri Nabucodonosor rey richin Babilonia kan xusech qak'u'x y kan xojruk'ux richin xojruk'is. Kan xuben k'a chiqe achi'el jun leq ri man jun chik rupan. Kan xojrubeq' achi'el nuben jun nimalej chikop ri k'o pa palou. Kan xnoj k'a rupan rik'in ri jebelej ri k'o qik'in y ri man xuk'is ta xuchubaj-el.

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

Wuj Richin Bix Chire ri Dios 89:42

Kan xaya' k'a ri ch'akonik pa kiq'a' ri e etzelanel richin. Xaya' k'a q'ij chi xekikot chirij ri David.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Ez 19:12

Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Wuj Richin ri Nahum 2:3

Ri kitobal ri aj-labal keq nitzu'un, keri' chuqa' ri kitziaq. Ri aj-labal kichojmirisan chik ki', ri ki-carruaje kan e achi'el q'aq'. Ri kiej kan nikajo' yan yebe pa labal.