Wuj Richin Bix Chire ri Dios 80:1 - Kaqchiquel Bible

¹ Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 80:1 ပူးပေါင်းရင်းမြစ်များ

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

Wuj Richin Bix Chire ri Dios 77:20

Xe'ayuqej k'a ri qawinaq achi'el jun q'ataj karne'l, ja ri Moisés y ri Aarón xe'akusaj richin xeyuqen kichin.

Wuj Richin Bix Chire ri Dios 50:2

Ri Dios, rik'in ri rusaqil nuk'ut chi rija' kan k'o chiri' pa tinamit Sión, chupan ri tinamit ri kan jebel nitzu'un.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

Ez 34:23

Xtinteq-pe jun rijatzul kan ri rey David ri nusamajel richin nok yuq'unel pan iwi'. Rija' xkixruchajij jebel.

2 Sam 6:2

Ri David e rachibilan konojel ri achi'a' ri', xebe k'a pa tinamit Baalá richin Judá, richin chi nibekik'ama' ri káxa richin ri rujikibel-tzij ri Dios. Ri káxa ri', pa ruwi' ri' ninatex rubi' ri Jehová ri k'o ronojel uchuq'a' pa ruq'a', ri k'o rutz'uyubal chikikojol ri querubín.

1 Sam 4:4

Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Ez 10:4

K'ari' ri ruk'ojlemal ri Jehová xyakatej-el pa ruwi' ri querubín y xbe pa ruchojmilal ri okibel richin ri rachoch ri Jehová. Y ri sutz' ri' xunojisaj ri jay y chuqa' kan xusaqirisaj ri ruwa-jay rik'in ri ruk'ojlemal ri Jehová.

Wuj Richin ri Isaías 63:11

Jak'a rije' xa xoqaqa k'a chikik'u'x ri xkiq'axaj ojer toq xk'oje' ri Moisés. Xoqaqa k'a chikik'u'x toq ri Dios xerukol ri qati't-qamama' chupan ri Kaqa-Palou, y ri Moisés xeruk'uaj achi'el nuben jun yuq'unel kik'in ri rawej. Chuqa' xoqaqa chikik'u'x toq ri Dios xuteq-pe ri ru-Espíritu pa kiwi'.

Wuj Richin ri Isaías 60:1

Ri Jehová nubij: Kixyakatej k'a rix aj-Sión, y kan xkixkikot roma ri wutzil kan xtiyik'lun pan iwi'. Chuqa' kan xto'alex ri nuk'ojlen yin Jehová pan iwi'.

Wuj Richin Bix Chire ri Dios 80:7

Nimalej Dios k'iytisanel richin ronojel, tabana' utzil tabana' chik qik'in achi'el ri abanon-pe. Taya' ri awutzil pa qawi' richin yojakol.

Wuj Richin Bix Chire ri Dios 80:3

Nimalej Dios tabana' utzil, tabana' chik qik'in achi'el ri abanon-pe. Taya' ri awutzil pa qawi', y qojakolo'.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

San Juan 10:14

Ja yin k'a ri utzilej yuq'unel y wetaman kiwech ri kan e wichin yin, y rije' kan ketaman k'a chuqa' nuwech.

Dn 9:17

Tabana' utzil qa-Dios roj; kan tawak'axaj k'a ri nuch'owen ri ninben awik'in, y ronojel ri utzil ri nink'utuj chawe; roma ri awajowabal kan xtiq'alajin ta ri awutzil pa ruwi' ri awachoch ri tolan-tolan rubanon kan.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Ez 1:13

Rije' kan yesaqirisan achi'el nisaqirisan jun antorcha. Y chikikojol k'o achi'el racheq-q'aq' ri kan nik'a'on y chiri' nel-el achi'el koyopa'.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

Wuj Richin Bix Chire ri Dios 94:1

Nimalej Jehová, ri yaya'on rutojbalil ronojel ri mak, kan tak'utu' k'a awi' rat richin naya' rutojbalil-mak.

Wuj Richin Bix Chire ri Dios 80:19

Nimalej Dios tabana' utzil, tabana' chik qik'in achi'el ri abanon-pe. Taya' ri awutzil pa qawi', y qojakolo'.

Wuj Richin Bix Chire ri Dios 78:67

Ri Dios xerixowaj ri e rijatzul ri José; man xrajo' ta k'a ri ruwach'ulew Efraín.*f77*

Wuj Richin Bix Chire ri Dios 78:52

K'ari' xerelesaj-pe ri qawinaq chikikojol ri aj-Egipto; Xeruyuqej-pe pa tz'iran ruwach'ulew achi'el jun q'ataj karne'l.

Wuj Richin Bix Chire ri Dios 69:1

Nimalej Dios, tabana' utzil kinakolo' roma xa kan ink'o pa k'ayew, achi'el xa ta ink'o chupan jun palou y yijiq' yan.

Wuj Richin Bix Chire ri Dios 60:1

Nimalej Dios, rat xojaya' kan y xojawulaj k'a kan; Yakatejineq awoyowal chiqij; ¡tabana' utzil katzolin-pe qik'in, wakami!

Wuj Richin Bix Chire ri Dios 55:1

Nu-Dios yin, tabana' utzil tawak'axaj ri nuch'owen. Man tawewaj-awi' chinuwech.

Wuj Richin Bix Chire ri Dios 45:1

Kan nalex k'a pe pa wánima re utzilej bix re', y ninwajo' ninbixaj chire ri rey. Ri waq' kan achi'el k'a jun tz'ibabel richin ri más utz tz'ibanel.

Wuj Richin Bix Chire ri Dios 5:1

Tabana' utzil Jehová, tawak'axaj ri nuch'abel. Tatzu' k'a ri nuq'axo'n.

Wuj Richin ri Achin Job 10:3

¿Kan ruk'amon kami chawe rat naben chi nutej poqon jun wineq, y kan nimulun ak'u'x chirij ri kan ja rat ri at banayon richin, y naya' ruchuq'a' ri kirayibel ri itzel taq winaqi'?

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.