Wuj Richin Bix Chire ri Dios 8:2 - Kaqchiquel Bible

² Kan jajun ri taq ak'uala' y ri k'a yetz'uman na, nikibixaj ri nimalej abi', chikiwech ri e etzelanel awichin; keri' nikiben richin ketane-qa ri e yakatajineq chawij.

Wuj Richin Bix Chire ri Dios 8:2 ပူးပေါင်းရင်းမြစ်များ

Wuj Richin Bix Chire ri Dios 148:13

Konojel re' tikibixaj ri rubi' ri Jehová, roma xa kan xaxe k'a ri rubi' rija' ri ruk'amon chi ninimirisex. Ri ruk'ojlemal rija' kan k'o k'a pa ruwi' ri kaj y ri ruwach'ulew.

Wuj Richin Bix Chire ri Dios 4:4

Tik'oje' k'a rukiy ri Dios chiwech y man chaq yixmakun. Toq ix kotz'ol y silan-silan chik, tiquqa' pa taq iwánima ri ibanobal chuwech rija'.

Wuj Richin Bix Chire ri Dios 44:16

Koma ri winaqi' ri yeya'on nuk'ix y nikiqasaj nuq'ij; koma ri e etzelanel wichin ri nikajo' yinkiya' pa k'ayew.

Wuj Richin Bix Chire ri Dios 46:10

Ri Jehová nubij: Kixtane-qa chubanik ri labal y tiwetamaj chi ja yin ri in Dios. xtinimirisex nuq'ij, pa nima'q taq ruwach'ulew, xtiya'ox k'a nuq'ij chuwech re ruwach'ulew.

Wuj Richin Bix Chire ri Dios 57:6

Ri e etzelanel wichin kan kiya'on k'a pikbel pa nubey; ri wánima kan janila k'a niq'axon; rije' kan kik'oton k'a jul richin yitzaq, y chupan k'a ri jul ri' xa ja rije' ri xetzaq.

Ex 11:7

Re xtik'uluwachitej pan Egipto kan richin tiketamaj ri winaqi' chi ri Jehová kan k'o rukojol nuben kik'in ri winaqi' israelita y ri aj-Egipto. Roma chupan ri aq'a' ri', chikikojol ri winaqi' israelita, ni jun tz'i' man xtiba'on ta, ni ri ch'aqa' chik chikopi' man jun xtikoq'ej.

Ex 15:16

Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Am 5:9

Yin ri yiwulan ri jay richin tobel, y nink'is kan jumul ri tinamit ri ek'o nima'q tz'aq chikij.

Wuj Richin ri Habacuc 2:20

Jak'a ri Jehová kan k'o-wi chupan ri rachoch, roma ri' konojel tzobaj winaqi' richin re ruwach'ulew man keq'ajan chuwech.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

San Mateo 21:16

Ri aj-raqen xkibij chire ri Jesús: ¿Nawak'axaj k'a ri ye'ajin chubixik ri ak'uala'?, xecha'. Ri Jesús xubij chike: Ja', ninwak'axaj. Y rix, ¿man itz'eton ta k'a chupan ri ruch'abel ri Dios*f31* ri nubij chi ri taq ak'uala' y ri k'a yetz'uman na, nikibixaj k'a ri ruk'ojlen ri Dios?, xcha'.

San Lucas 10:21

Chupan k'a ri ramaj ri', ri Loq'olej Espíritu janila kikoten xuya' pa ránima ri Jesús. Y xubij: Matiox ninya' chawe nata' Dios, rat ri rajaw ri kaj y re ruwach'ulew, roma man xaq'alajirisaj ta ronojel re' chikiwech ri winaqi' ri kan nikina' chi janila k'iy ketaman. Xa ja ri chikiwech ri winaqi' ri maneq ketamabal, xa chikiwech rije' xaq'alajirisaj-wi re'. Kan keri' wi k'a nata' Dios, roma jari' ri arayibel rat, xcha' ri Jesús.

1 Corintios 1:27

Man rik'in ri' ri Dios xixrucha', stape' ri winaqi' nikitz'et chi man jun etamabel k'o iwik'in. Keri' xuben chiwe richin chi yek'ixbitej ri nikibananej chi ri e aj-na'oj. Xixrucha' chuqa' stape' chikiwech ri winaqi' maneq ok uchuq'a' pan iq'a', richin chi yek'ixbitej ri k'o janila uchuq'a' pa kiq'a'.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.