Wuj Richin Bix Chire ri Dios 79:5 - Kaqchiquel Bible

⁵ Jehová, ¿kan jantape' ta k'a xtik'oje' ri awoyowal pa qawi'? ¿K'a janipe' xtitane' ri awoyowal richin nik'a'on achi'el nuben ri q'aq'?

Wuj Richin Bix Chire ri Dios 79:5 ပူးပေါင်းရင်းမြစ်များ

Wuj Richin Bix Chire ri Dios 89:46

Nimalej Jehová, ¿kan jantape' kami xtawewaj-awi'? ¿Jantape' kami xtik'a'on ri awoyowal achi'el nuben ri q'aq'?

Wuj Richin Bix Chire ri Dios 85:5

¿Kan xtibe kami ruwech ri awoyowal pa qawi' roj? ¿Kan xtanimirisaj kami ri awoyowal chikij ri chi sol chi sol winaqi'?

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.

Wuj Richin Bix Chire ri Dios 80:4

Jehová, Dios k'iytisanel richin ronojel, ¿K'a janipe' k'a nik'o-qa ri awoyowal chirij ri qach'owen?

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Wuj Richin ri Isaías 64:9

Ajaw, man tipe janila awoyowal pa qawi' roj, ni man toqaqa chi'ak'u'x beneq ruwech ri qamak, Tajoyowaj k'a qawech roj roma oj atinamit.

Wuj Richin Bix Chire ri Dios 103:9

Rija' man jantape' ta yojruch'olij; ri royowal man nibe ta ruwech.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Deut 32:16

Rix xiben k'a chire ri Jehová chi kan itzel nina' chire, roma rix xiyala' kiq'ij ch'aqa' chik dios. Y chuqa' xiben chire richin chi xiyek royowal, roma kan xe'itzeqelibej ch'aqa' chik dios ri kan itzel yerutz'et rija'.

Wuj Richin Bix Chire ri Dios 6:4

Tabana' utzil Jehová takolo' ri nuk'aslen; kinakolo' k'a roma ri ajoyowanik.

Wuj Richin Bix Chire ri Dios 80:5

Xaben chiqe chi ri qoq'ej achi'el xa ta jari' ri qaway, ri ruya'al runaq' taq qawech achi'el xa ta qaya' ri niqaqum pa ruk'iyal.

Wuj Richin Bix Chire ri Dios 89:47

Toqaqa chi'ak'u'x chi ri qak'aslen xa ti juba' ok, xa k'o chi yojken.

Wuj Richin ri K'uxla'anik 5:22

Tabana' utzil chiqe stape' oj amalin kan. Niqajo' chi re' xtibanatej ta, stape' janila xyakatej awoyowal chiqij.

Wuj Richin ri Zacarías 1:12

Jari' toq ri ángel xch'on-q'anej rik'in ri Dios y xubij chire: Rat Jehová ri at k'iytisanel richin ronojel, ¿k'a janipe' xtajoyowaj kiwech ri e aj-Jerusalem y ri ch'aqa' chik tinamit richin Judá, ri aya'on-pe ri rutojbalil-mak pa kiwi' oxk'al lajuj juna'?, xcha'.