Wuj Richin Bix Chire ri Dios 79:1 - Kaqchiquel Bible

¹ Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin Bix Chire ri Dios 79:1 ပူးပေါင်းရင်းမြစ်များ

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

2 Crón 36:19

Y ri rachoch ri Dios xkiporoj kan, y xkiwulaj kan ri tz'aq chirij ri Jerusalem. Chuqa' xkiporoj kan ri jay richin ri rey ri akuchi niq'aton-wi-tzij, y xekiyoj kan ronojel ri k'o rejqalen.

Wuj Richin ri K'uxla'anik 1:10

Ri e etzelanel kichin ri aj-Jerusalem kan xkichop-qa ri kibeyomel. Rije' kan xekitz'et k'a toq ri winaqi' maneq Dios chikiwech xe'ok-apo chupan ri rachoch rija', ri rubin kan chi man xabachike ta wineq nok-apo chupan.

Wuj Richin ri Jeremías 26:18

Ri ojer kan toq niq'aton-tzij ri Ezequías, rey richin Judá, ri Miqueas aj-Moréset xch'on pa rubi' ri Jehová kik'in konojel winaqi' richin ri qatinamit Judá y xubij: Ri Jehová k'iytisanel richin ronojel nubij chi re tinamit Sión kan xtik'oje' kan achi'el jun ulew ri xjosq'ix yan el ruwech. Ri Jerusalem kan xtiwuluwu' kan, y kan xtuben achi'el jun tzobaj ulew. Chuqa' ri ruwa-juyu' ri akuchi k'o-wi ri rachoch ri Dios kan xtok jun k'echelaj, xcha' ri Miqueas chike.

Wuj Richin ri Jeremías 52:13

Y toq xapon chiri', xuporoj ri rachoch ri Dios, ri rachoch ri rey y ronojel ri jay richin ri tinamit ri'. Y ri xeporox más ja ri jay ri k'o kejqalen.

Wuj Richin Bix Chire ri Dios 78:71

Chupan ri yuq'unik xrelesaj-wi-pe richin chi xeruyuq'uj ri qawinaq, richin chi xok kiyuq'unel ri israelita.

2 Crón 36:17

K'ari' ri Jehová xuben chire ri rey richin ri Babilonia, richin xerukamisaj chi espada ri alaboni', stape' ek'o chupan ri rachoch ri Dios. Kan man xupoqonaj ta ri kik'aslen ri alaboni', ni ri xtani', ni ri rijita'q taq winaqi'. Konojel re' ri Jehová kan xerujech pa ruq'a' ri rey richin Babilonia.

2 Rey 24:13

Y ri aj-Babilonia xekik'uaj-el ri beyomel richin ri rachoch ri Jehová y richin ri rachoch ri Joaquín. Chuqa' xekiwulaj-el ronojel ri samajibel ri banon rik'in q'anapueq ri rubanon kan ri Salomón, richin xekik'uaj-el. Ronojel re' xbanatej achi'el rubin ri Jehová.

Ex 15:17

Rat xke'ak'uaj y xke'atik pa ruwi' ri juyu', ri xtaya' chike. Ri chiri', ri akuchi atk'o-wi rat Jehová Dios. Ri akuchi abanon rat Jehová, chi chiri' nak'ul-wi aq'ij.

Apocalipsis 11:2

Jak'a ri ruwa-jay ri richin ri wachoch man tawetaj, roma xa jachon chik pa kiq'a' ri winaqi' ri man ketaman ta nuwech y kawineq ka'i' ik' xtikixeq'-xtikipalibej ri loq'olej tinamit Jerusalem.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Ez 9:7

K'ari' xubij chike chi kekinojisaj rik'in kaminaqi' ri ruwa-jay y keri' k'a xtikiben chi xtok man ch'ajch'oj ta. Xeri' xeruteq-el pa tinamit ri kamisanela'. Y rije' kan xebekamisan kan.

Wuj Richin ri Jeremías 39:8

Y ri ch'aqa' chik aj-Babilonia xkiya' kan ruq'aq'al ri rachoch ri rey chiri' pa Jerusalem y chuqa' ri ch'aqa' chik jay ri ek'o pa tinamit y xkiwulaj ri tz'aq richin ri tinamit ri'.

Wuj Richin ri Isaías 47:6

Yin kan xpe woyowal chike ri nuwinaq israelita, y roma ri' kan xinben chike chi man jun rejqalen ri kiruwach'ulew. Kan xenjech pan iq'a' rix. Jak'a rix xa man xijoyowaj ta kiwech rije'. Kan jajun ri e rijita'q taq winaqi' xe'iya' pa kow taq samaj.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

Wuj Richin ri Isaías 63:18

Xa kan juba' ok q'ij xek'oje' chupan ri awachoch ri qate-qatata', jak'a re wakami ri e etzelanel qichin xa xkixolq'otij.

Wuj Richin ri Jeremías 51:51

Rix nibij chi kan janila yixk'ix toq niwak'axaj chi janila yixyoq' koma ri winaqi' aj juk'an chik ruwach'ulew ri xe'ok chiri' pa wachoch ri akuchi kan loq'olej-wi.