Wuj Richin Bix Chire ri Dios 78:8 - Kaqchiquel Bible

⁸ Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

Wuj Richin Bix Chire ri Dios 78:8 ပူးပေါင်းရင်းမြစ်များ

Wuj Richin Bix Chire ri Dios 78:37

Roma ri kánima xa man choj ta chuwech rija', ni man xkitaqej ta ri kich'abel.

Ex 32:9

Y chuqa' ri Dios xubij chire ri Moisés: Yin kan nutz'eton k'a pe chi re winaqi' re' kan man nikiqasaj ta ki'.

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

2 Rey 17:14

Jak'a rije' xa man xkinimaj ta tzij, xa xkikowirisaj-ki', achi'el xkikowirisaj-ki' ri kite-kitata', ri man xkikuquba' ta kik'u'x rik'in ri Jehová ri ki-Dios.

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

Ez 20:8

Jak'a rije' xa xeyakatej chuwij y man xkinimaj ta nutzij. Chikijujunal k'a rije' xa man xkiya' ta kan ri itzel taq kibanobal xa xekiya' kiq'ij ri wachibel kichin ri winaqi' aj chiri'. Roma ri' xinbij k'a chike chi kan xtinwelesaj ronojel woyowal chikij chiri' pan Egipto.

2 Crón 30:7

Man tiben achi'el xkiben ri qate-qatata' y ri qach'alal. Rije' xa xeyakatej chirij ri Jehová ri Dios kichin kan ri qati't-qamama', y roma ri' rija' xuben chike richin xkik'uluwachij nima'q taq q'axo'n, y ri winaqi' richin ri ch'aqa' chik ruwach'ulew kan xkixibij k'a ki' toq xekitz'et. Y rix kan itz'eton k'a pe re'.

Deut 9:24

Kan ja ri q'ij toq yin xinwetamaj kiwech; xentz'et chi kan yalan kikowirisan-ki' chuwech ri Jehová.

Deut 9:13

Y chuqa' xubij chuwe: Yin kan e nutz'eton chi re tinamit re' kan jun tinamit ri yalan kikowirisan-ki'.

Ex 33:5

Keri' k'a xkiben ri winaqi', roma ri Jehová kan xunabeyajisaj yan k'a rubixik chike. Xa kan xbix yan k'a chike roma ri Moisés chi rije' xa e jun tinamit ri man nikiqasaj ta ki'. Y wi ri Jehová nik'oje' chikikojol, kan pa jun ti ramaj yeruk'is konojel. Y chuqa' chi tikelesaj ronojel ri jebelej taq tzieq chikij y ri wiqobel ri yekikusala'. Y ri Jehová xtunojij na ri achike xtuben kik'in.

Ex 33:3

Xkixruyuqej k'a toq xkixapon chupan ri ruwach'ulew ri akuchi niwachin-wi ronojel ruwech tiko'n. Jak'a yin kan man xkibe ta chik iwik'in roma xa kan ix winaqi' ri kan man niqasaj ta iwi'. Man xa roma ri' kixink'is rokik ichapon bey, xcha' ri Jehová.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Wuj Richin ri Isaías 30:9

Roma ri awinaq kan janila man e nimey ta tzij, achi'el e alk'ualaxela' ri janila e tz'ukuy taq tzij, y achi'el e alk'ualaxela' ri man nikajo' ta nikak'axaj ri nupixa'.

Wuj Richin Bix Chire ri Dios 106:7

Ri qati't-qamama' toq k'a ek'o na pan Egipto, kan man xq'ax ta chikiwech ri meyel taq abanobal rat Jehová, kan man xoqaqa ta chikik'u'x ri janila chi joyowanik ri xaya' pa kiwi'. Y xa kan xkipaba' k'a ki' chawech chiri' chuchi' ri Kaqa-Palou.

Wuj Richin Bix Chire ri Dios 68:6

Kan nuben chi ri e malin kan, kan ye'ok ach'alalri'il kik'in ch'aqa' chik, kan nuben chuqa' chike ri e ximil chi kan yekolotej; jak'a ri man nikinimaj ta tzij, nuben chike chi xkek'oje' chupan jun ruwach'ulew chaqi'j-chaqi'j.

Wuj Richin ri Achin Job 11:13

Xa ta rat najech jumul ri awánima chire ri Dios, y nayuq ri aq'a' richin naya-apo pa ruq'a' rija'.

2 Crón 30:19

Jehová Dios kichin ri qati't-qamama'; takuyu' kimak, stape' man kich'ajch'ojirisan ta ki' achi'el ri tz'ibatel kan chupan ri pixa', xcha'.

2 Crón 20:33

Jak'a ri akuchi niya'ox-wi kiq'ij ri wachibel ri ek'o pa ruwi' taq juyu' k'a xeruya' na kan jujun, roma man konojel ta ri winaqi' kijachon ri kánima chire ri Jehová ri ki-Dios ri kati't-kimama'.

2 Crón 19:3

Jak'a ri Dios k'o ch'aqa' utz ri rutz'eton chawij, roma xe'awelesaj-el chupan re ruwach'ulew ri kiwachibel Asera, y kan atijon-pe aq'ij richin nakanoj ri Dios rik'in ronojel awánima, xcha' ri Jehú.

2 Crón 12:14

Ri Roboam kan xuben k'a ri itzel y kan man xubij ta ránima richin xukanoj ri Jehová.

Deut 4:4

Jak'a chi'iwonojel rix ri kan xitzeqelibej ri Jehová ri qa-Dios, jare' k'a ix k'es na re wakami.

Ex 34:9

Y xeri' ri Moisés xubij chire ri ajaw: Wi qitzij chi wilon utzil chawech, tabana' utzil jo' qik'in, stape' re atinamit kan man nuqasaj ta ri' chawech. Kan takuyu' k'a ri itzel taq qabanobal, takuyu' ri qamak y tabana' chiqe chi kan yojok-wi atinamit, xcha' ri Moisés.

Wuj Richin ri Josúe 22:15

Konojel ri e taqon-el xebe k'a pa ruwach'ulew Galaad, ri akuchi ek'o-wi ri e ka'i' tzobaj rik'in nik'aj. K'ari' xech'on kik'in y xkibij:

1 Sam 8:8

Kan keri' kibanon-pe kan xaxe toq xenwelesaj-pe pan Egipto, k'a re wakami in kiya'on kan. Y xa xekisamajij ch'aqa' chik dios y kan keri' chuqa' nikiben awik'in rat.

Wuj Richin Bix Chire ri Dios 78:40

¡Kan janipe' na k'a mul xeyakatej chirij chiri' pa tz'iran ruwach'ulew! Kan xkiya' k'a q'axo'n rik'in chupan ri ruwach'ulew ri'.

Wuj Richin Bix Chire ri Dios 78:56

Jak'a rije' xa jantape' xkitejtobej y xkiyek royowal ri nimalej Dios, y man xkiben ta ri nubij ri rupixa' ri ruya'on chike.