Wuj Richin Bix Chire ri Dios 78:7 - Kaqchiquel Bible

⁷ Ronojel re' nik'atzin richin chi rik'in ri Dios tikikuquba-wi kik'u'x, y richin chi man tikimestaj ronojel ri meyel taq banobel ri xuben kik'in, y kan tikiyaka' ri pixa' ri xuya' chike.

Wuj Richin Bix Chire ri Dios 78:7 ပူးပေါင်းရင်းမြစ်များ

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Apocalipsis 14:12

Re rutzijol re' kan nuben k'a chi ri e ralk'ual ri Dios k'o chi kow y tikuqer más kik'u'x rik'in ri Jesús y tikibana' ri nubij.

1 Juan 5:3

Y wi kan niqajo' ri Dios, k'o chi niqataqej ri nubij chiqe. Re' xa man k'ayew ta richin niqaben.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Wuj Richin Bix Chire ri Dios 103:2

Yin kan jantape' xtinnimirisaj ruq'ij ri Jehová. Kan man xtinmestaj ta k'a ri rutzil ri ruya'on pa nuwi'.

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

Wuj Richin Bix Chire ri Dios 40:4

Jebel ruwa-ruq'ij ri wineq ri nukuquba' ruk'u'x awik'in rat Jehová, y man nukuquba' ta ruk'u'x kik'in winaqi' ri kinimirisan-ki', ni man nutzeqelibej ta ch'aqa' chik dios.

Deut 8:11

Kan tichajij k'a iwi' richin man nimestaj ta ri Jehová ri qa-Dios, richin nitaqej ronojel pixa' ri ninya' chiwe re wakami.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

1 Corintios 11:24

Y toq rija' rumatioxin chik chire ri Dios, xuper ri kaxlan-wey ri', y xubij chike ri rutijoxela': Tik'ama' y titija' re kaxlan-wey re', roma jare' ri nuch'akul ri kan xtijach pan ik'exel rix. Kan titija' k'a, richin natabel wichin, xcha' ri Jesús.

Wuj Richin Bix Chire ri Dios 146:5

Jebel ruwa-ruq'ij ri wineq, ri kan ja ri qa-Dios roj israelita ri nito'on richin, ri kan nukuquba' ruk'u'x rik'in ri Jehová ri qa-Dios.

Wuj Richin Bix Chire ri Dios 105:5

Toqaqa chiqak'u'x ri meyel taq banobel ri rubanon rija'. Toqaqa chiqak'u'x ri pixa' ri eleneq pa ruchi'.

Wuj Richin Bix Chire ri Dios 62:5

Kan xaxe k'a rik'in ri Dios ninwil-wi uxlanen. Yin kan pa ruq'a' rija' woyoben-wi ronojel.

Deut 6:12

man timestaj k'a ri Jehová ri xixelesan-pe pa ruwach'ulew Egipto, ri akuchi xixxime' pa samaj.

Deut 6:21

Rix xtibij chike: Roj xojxime' pa samaj kik'in ri aj-Egipto, jak'a ri Jehová xojrelesaj-pe chiri' rik'in ri nimalej ruchuq'a'.

Deut 6:25

Wi roj niqataqej rik'in ronojel qánima ronojel ri pixa' ri ya'on chiqe, rija' kan xtikikot qik'in, xkixcha' chike.

Wuj Richin Bix Chire ri Dios 105:45

Ronojel re', xuya' chike richin chi tikitaqej ri rupixa', y richin chi tikibana' ronojel ri rubin rija' chike. Kan tiqanimirisaj k'a ruq'ij ri Dios.