Wuj Richin Bix Chire ri Dios 78:66 - Kaqchiquel Bible

⁶⁶ Xuben k'a chi xech'akatej ri e etzelanel kichin y xe'animej. Kan xerunojisaj rik'in k'ix richin jantape'.

Wuj Richin Bix Chire ri Dios 78:66 ပူးပေါင်းရင်းမြစ်များ

1 Sam 5:6

Chirij ri' ri Jehová xuya' jun ruk'ayewal pa kiwi' y xuben chike konojel ri aj-Asdod y chijun ri kiruwach'ulew, chi xpe sipojik chikij ri kan k'o rujeleb.

Wuj Richin ri Jeremías 23:40

Y kan richin q'asen xtiqaqa pan iwi' ri qasanri'il, ri k'ixbilal ri kan man jun bey k'a xtimestex, xicha' chike.

Wuj Richin ri Achin Job 40:12

Kan katzu'un pa kiwi' ri kan nikina' chi nima'q kiq'ij y ke'aqasaj-pe ri akuchi ek'o-wi, Ri aj-maki' kan ke'ake'ej jumul, ri akuchi xke'awil-wi.

1 Sam 6:4

Y ri aj-Filistea xkik'utuj achike k'a ri nik'atzin richin nikuyutej kimak. Y ri e sacerdote y ri ketaman ri peteneq chikiwech xkibij: Tibana' wo'o' ruwachibel ri sipojik rik'in q'anapueq, achi'el ri kajlabal ri e tata'al y tibana' wo'o' ruwachibel ch'oy achi'el ri kajlabal ri e wo'o' qatinamit ri xya'ox nima-ruk'ayewal pa qawi', roma chi wo'o' tinamit oj poqonatajineq.

1 Sam 7:10

Rokik ri Samuel nusuj ri kamelabel, jari' toq ri aj-Filistea xe'apon richin chi nibekibana' labal. Jak'a ri Jehová xuya' jun nimalej koqolajay pa kiwi' ri aj-Filistea y kan janila k'a xkixibij-ki'. Chupan k'a ri q'ij ri' ri aj-Filistea, xech'akatej pa kiq'a' ri aj-Israel.