Wuj Richin Bix Chire ri Dios 78:6 - Kaqchiquel Bible

⁶ richin chi ri sol winaqi' ri xkepe, niketamaj, y xtikitzijoj chik chike ri kalk'ual rije'. Y ri kalk'ual chik re winaqi' re' kan xtikitzijoj chik chike ri kalk'ual rije'.

Wuj Richin Bix Chire ri Dios 78:6 ပူးပေါင်းရင်းမြစ်များ

Wuj Richin Bix Chire ri Dios 102:18

Ronojel re' k'o chi xtitz'ibatej kan, richin tiketamaj konojel ri sol winaqi' ri e peteneq; richin chi ri winaqi' ri xkebe'alex kan xtikibixaj k'a chuqa' ri abi' rat Jehová.

Joel 1:3

Chirij re' xtitzijoj k'a chike ri iwalk'ual, ri iwalk'ual chike ri kalk'ual rije', ri kalk'ual rije' chike ri jun chik sol winaqi'.

Wuj Richin Bix Chire ri Dios 145:4

Ri chi sol chi sol winaqi' ri yeq'ax, kan xtikinimaq'ijuj ri nima'q taq abanobal rat Jehová. Kan xtikitaluj k'a rutzijol ri meyel taq abanobal.

Wuj Richin Bix Chire ri Dios 90:16

Xtiq'alajin ta chik pe ri meyel taq abanobal qik'in roj ri oj asamajela'. Ri ak'ojlemal rat kan ta xtiq'alajin-pe pa kiwi' ri qijatzul.

Wuj Richin Bix Chire ri Dios 22:31

Xtikitzijoj k'a chike ri man jani ke'alex, ri ruchojmilal y ri meyel taq abanobal.

Wuj Richin Bix Chire ri Dios 71:18

Stape' chupan re nurijixinen y kere' seq chik nujolon, tabana' utzil nu-Dios, man kinamalij kan. Roma kan k'a k'o chi nintzijoj ri awuchuq'a' rat, chike ri k'a e ak'uala' na y ri man jani ke'alex.

Wuj Richin Bix Chire ri Dios 48:13

Titz'eta' jebel ri rubanik ri rutz'aq. Chuqa' titz'eta' jebel ri jay richin q'atbel-tzij. Richin chi xtitzijoj chik chike ri iwijatzul

Ester 9:28

Y kan xok k'a jun pixa', chi re q'ij re' kan ninatex koma konojel winaqi', y ninimaq'ijux koma chi wiq chi tanaj xabakuchi ek'o-wi. Keri' ri q'ij richin ri Purim kan man jun bey xtimestex koma ri judío, y ri kijatzul.

Deut 4:10

Toqaqa k'a chi'ik'u'x toq xqamol-apo-qi' chuwech ri Jehová ri qa-Dios, chuxe-apo ri juyu' Horeb, toq rija' xubij chuwe: Ke'amolo' k'a ri awinaq, richin chi nikak'axaj ri nuch'abel richin niketamaj nikiya' nuq'ij chijun ri kik'aslen chuwech re ruwach'ulew, y xtikik'ut chikiwech ri kalk'ual, xcha' chuwe.

Ex 10:2

Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.