Wuj Richin Bix Chire ri Dios 78:51 - Kaqchiquel Bible

⁵¹ Xuben k'a chi xeken konojel ri nabey taq al alaboni' chiri' pan Egipto, ri nabey taq uchuq'a' kichin ri e rijatzul kan ri Cam.

Wuj Richin Bix Chire ri Dios 78:51 ပူးပေါင်းရင်းမြစ်များ

Wuj Richin Bix Chire ri Dios 105:23

Keri' toq ri qawinaq israelita xe'ok-apo pa ruwach'ulew Egipto. Keri' ri aj pa rachoch ri Jacob xek'oje' chupan ri ruwach'ulew ri'.

Wuj Richin Bix Chire ri Dios 135:8

Ja rija' xbanon chi xeken konojel ri nabey taq al alaboni' pan Egipto. Xtiker-el kik'in ri winaqi' k'a kik'in ri nabey taq achija' taq awej.

Wuj Richin Bix Chire ri Dios 106:22

stape' rija' xbanon meyel taq banobel chupan ri ruwach'ulew richin ri Cam; banobel ri man jun bey e tz'eton chiri' pa Kaqa-Palou.

Wuj Richin Bix Chire ri Dios 136:10

Xuben chi xeken konojel ri nabey taq al alaboni' pan Egipto: Roma ri rujoyowanik rija' kan richin jantape'.

Wuj Richin Bix Chire ri Dios 105:36

K'ari' xerukamisaj-el konojel ri e nabey taq al alaboni'. Xeruk'uaj k'a konojel ri e nabey richin ri kuchuq'a'.

Ex 13:15

Y toq ri rey aj-Egipto kan xukowirisaj ri ránima richin chi man xuya' ta q'ij chiqe richin chi xojel-pe, ri Jehová kan xuben chi xeken konojel ri e nabey taq k'ajola' y ri e nabey taq achija' kal ri kawej. Y roma ri' roj niqaben k'a re sipanik re', richin chi niqaya' chire ri Jehová ri nabey taq kal ri qawej. Chuqa' niqaya' jujun taq alaji' achija' karne'l chikiwech ri nabey taq al alaboni', richin yeqakol, keri' xtiqabij chike.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Wuj Richin ri Rutikeribel 49:3

Rat Rubén, ri nabey nuk'ajol, rat ri xaq'alajirisan ri wuchuq'a' y ri nabey walk'ual pa nuk'ajolil; rat kan k'o-wi aq'ij, rat kan k'o-wi awuchuq'a' chikiwech ri ch'aqa' chik nuk'ajol.

Hebreos 11:28

Ri Moisés roma kan kuqul ruk'u'x, xuben ri nimaq'ij richin ri solbelri'il y xubij chike ri ruwinaq chi tikichikaj ri kikik'el ri taq ka'rnel chirij ri ruchi' taq kachoch, richin chi man yekamisex ri nimalaxela' taq alaboni' roma ri kamisanel.

Wuj Richin Bix Chire ri Dios 105:27

Rije' xkiben meyel taq banobel chikiwech ri aj chiri'. Kan xkik'ut k'a ri banobel ri man jun bey e tz'eton, chiri' pan Egipto.

Wuj Richin ri Rutikeribel 10:6

Ri e rijatzul ri Cam, ja ri Cus, ri Misraim, ri Fut y ri Canaán.