Wuj Richin Bix Chire ri Dios 78:42 - Kaqchiquel Bible

⁴² Man xoqaqa ta k'a chikik'u'x ri ruq'a' ri ruya'on pa kiwi', ri q'ij toq xerukol-pe chupan ri ximonri'il.

Wuj Richin Bix Chire ri Dios 78:42 ပူးပေါင်းရင်းမြစ်များ

Wuj Richin ri Jeremías 32:21

Kan xe'awelesaj k'a pe ri awinaq Israel chupan ri ruwach'ulew Egipto rik'in nima'q y meyel taq banobel. Rik'in nimalej awuchuq'a' xaben chike ri aj-Egipto chi e k'iy chike rije' kan xkik'en janila rukiy.

Wuj Kichin ri To'onela' 8:34

Ri israelita ni man xoqaqa ta k'a chikik'u'x ri Jehová ri ki-Dios ri xkolon kichin chikiwech ri e etzelanel kichin ri ek'o chikinaqaj;

Ex 14:12

¿Peja chi xqabij chawe chila' pan Egipto, chi qojaya' kan qayon, chi roj niqaben na ri kisamaj ri aj-Egipto? Xa más ta utz chi xeqasamajij ta na ri aj-Egipto ke chuwech chi k'a wawe' pa tz'iran ruwach'ulew yojken wi kan, xecha'.

Wuj Richin Bix Chire ri Dios 78:11

Xa kan xkimestaj k'a ronojel ri xuben kik'in. Xkimestaj ri meyel taq banobel ri xuk'ut chikiwech.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,