Wuj Richin Bix Chire ri Dios 78:38 - Kaqchiquel Bible

³⁸ Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Wuj Richin Bix Chire ri Dios 78:38 ပူးပေါင်းရင်းမြစ်များ

Wuj Richin ri Isaías 48:9

Roma xinjikiba' nutzij richin yixinto', roma ri' xinq'et ri woyowal. Y roma richin niya'ox nuq'ij xinq'et-wi', richin man xixink'is ta.

Ez 20:17

Man rik'in ri' xinjoyowaj kiwech y roma ri' xa man xenk'is ta kan jumul chiri' pa tz'iran ruwach'ulew.

2 Rey 21:20

Ri Amón kan xuben ri man utz ta chuwech ri Jehová Dios, achi'el xuben ri Manasés ri rutata'.

2 Sam 24:16

Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.

2 Rey 13:23

Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

Wuj Richin Bix Chire ri Dios 99:8

Jehová ri at qa-Dios roj, rat kan xak'uluba' k'a pe ri kich'abel. Rat kan xatok k'a chike rije', jun Dios ri kan kuyunel, stape' xaya' tijoj-poqonal pa kiwi' rije' roma ri kimak.

Os 11:9

Wakami xa man xtinben ta k'a ri nuch'obon ninben roma woyowal. Kan man xtinya' ta chik k'a ruk'ayewal pan iwi'. Roma yin kan in Dios y man in wineq ta. Ja yin ri in loq'olej ri ink'o chi'ikojol rix, roma ri' kan man xtinya' ta chik ri ruk'ayewal pan iwi', nicha' ri Dios.

Am 7:3

K'ari' ri Jehová xujoyowaj qawech y xubij chi man xtik'uluwachitej ta.

Am 7:6

K'ari' ri Jehová xujoyowaj qawech y xubij chi man xtik'uluwachitej ta.