Wuj Richin Bix Chire ri Dios 78:19 - Kaqchiquel Bible

¹⁹ Xech'on chirij ri Dios y xkibij: ¿Nitikir kami ri Dios nuya' qaq'utun wawe' pa tz'iran ruwach'ulew?

Wuj Richin Bix Chire ri Dios 78:19 ပူးပေါင်းရင်းမြစ်များ

Wuj Richin ri Q'axanri'il 21:5

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

Wuj Richin ri Q'axanri'il 11:4

Y chikikojol k'a ri israelita e beneq chuqa' winaqi' ri xa man e kiwinaq ta y xaxe wa'in ri nikich'ob y ja rije' ri xe'uk'uan kichin ri israelita y xkichop oq'ej y nikibila' k'a: ¡K'ate' ta k'o jun ri niya'on juba' ti'ij chiqe richin niqatej!

Wuj Richin Bix Chire ri Dios 23:5

Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Wuj Richin ri Q'axanri'il 20:3

Y kan xkichop k'a chi oyowal ri Moisés y xkibij chire: Xa más ta utz xojken kan, toq ri Jehová xerukamisaj ri qach'alal.

Wuj Richin ri Q'axanri'il 11:13

¿Akuchi ta k'a ninbenk'ama-pe ti'ij, yin, richin ninya' chike re winaqi' re', roma janila ye'oq' chinuwech y nikik'utuj ti'ij?

Wuj Richin ri Achin Job 34:37

Roma rija' man xaxe ta k'a jun aj-mak, pa ruwi' ri', rija' kan yakatajineq chirij ri Dios, kan chiqawech k'a roj nretzelaj y nitze'en chirij ri Dios, kan janila nich'on y nich'ojin chire rija'.

Apocalipsis 13:6

Y kan keri' k'a xuben ri chikop ri'. Itzel xch'on chirij ri Dios, xuyoq' ri rubi', itzel chuqa' xch'on chirij ri rachoch ri Dios y chikij ri ek'o chila' chikaj.

Romanos 9:20

Jak'a man yojtikir ta niqabij chire ri Dios*f22* chi man utz ta ri nuben chiqe. Jun bojo'y man nubij ta chire ri banoy richin: ¿Achike roma ja nubanikil re' ri naben chuwe? Man nicha' ta chire.

2 Crón 32:19

Kan janila k'a yech'on chirij ri Dios richin ri Jerusalem, achi'el xech'on chikij ri ch'aqa' chik dios kichin ch'aqa' chik tinamit richin ch'aqa' chik ruwach'ulew, ri dios ri xa e banon koma achi'a'.

2 Rey 7:2

Y ri to'onel richin ri rey xubij chire ri Eliseo: Stape' ri Jehová nujeq ta pe ri kaj richin yojrutzuq, man xtibanatej ta ri nabij, xcha'. Jak'a ri Eliseo xubij: Rat kan xtatz'et rik'in ri runaq' taq awech; jak'a kan man jun xtatej chire ronojel re', xcha'.