Wuj Richin Bix Chire ri Dios 78:13 - Kaqchiquel Bible

¹³ Ri Dios kan xuch'er k'a ri palou y xeruq'axaj chupan. Xuq'et k'a ri ya', y kan achi'el tz'aq xuben chire.

Wuj Richin Bix Chire ri Dios 78:13 ပူးပေါင်းရင်းမြစ်များ

Ex 14:21

Y ri Moisés xuyek ri ruq'a' y xuyuq-apo ri ruch'ame'y pa ruwi' ri Kaqa-Palou. Y chupan k'a ri junaq'a' ri', ri Jehová xuben chi xpe jun nimalej kaq'iq' ri pa relebel-q'ij y re' xuben chi ri ya' xch'aratej y xchaqi'j-qa ri ruxe'.

Ex 15:8

Xa rik'in ok ri kaq'iq' ri nel pan atza'n, xumol-ri' ri ya'. Ri ya' ri janila nisilon, xuben achi'el tz'aq ri pa taq ruxikin ri ruxe-qa ri ya' kan chi'anin k'a xkowir.

Wuj Richin Bix Chire ri Dios 66:6

Xuben chi ri Kaqa-Palou, xchaqer, y kan chikaqen k'a xeq'ax-el chupan. Kixanpe k'a, qojkikot rik'in ri Dios.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

Wuj Richin ri Habacuc 3:15

Xabiyin k'a pa ruwi' ri palou, achi'el xa ta at ch'okol-el chirij jun kiej.

Wuj Richin ri Isaías 63:13

Ri Dios xbanon chike richin xeq'ax chupan ri palou ri', y man xejilijo' ta, achi'el nikiben ri kiej toq anineq e beneq pa jun taq'aj, ri kan man jun bey yetzaq.

Wuj Richin Bix Chire ri Dios 38:7

Kan chijun k'a ri ruche'el-wij nirepo. Y kan maneq chik k'a ti juba' chire ri nuch'akul ri man ta yawa'.

Ex 14:22

Jari' toq ri israelita kan pa chaqi'j xeq'ax-wi, chukojol ri ya', roma ri ya' xuch'er-ri' y kan xuben achi'el tz'aq pa kijkiq'a' y pa kajxokon.

Ex 14:29

Jak'a ri winaqi' israelita, pa chaqi'j xeq'ax chupan ri Kaqa-Palou y ri ya' kan achi'el k'a tz'aq ri xuben pa kijkiq'a' y pa kajxokon.

Wuj Richin ri Josúe 3:13

Y toq ri e sacerdote ri e uk'uayon ri káxa richin ri Jehová ri rajaw chijun ri ruwach'ulew xkepa'e' chupan ri raqen-ya', ri ya' ri' kan xtich'aratej, roma ri ya' ri xulan-pe kan xtipa'e' y xtumol-ri', xcha'.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,