Wuj Richin Bix Chire ri Dios 77:18 - Kaqchiquel Bible

¹⁸ Chupan ri kaq'iq'-job kan xak'axatej k'a chuqa' ri koqolajay; y ri koyopa' kan xusaqirisaj k'a chijun ri ruwach'ulew; roma ri' kan xbaybot k'a y xsilon ri ruwach'ulew.

Wuj Richin Bix Chire ri Dios 77:18 ပူးပေါင်းရင်းမြစ်များ

Wuj Richin Bix Chire ri Dios 97:4

Ri koyopa' kan nusaqirisaj k'a ri ruwach'ulew. Y ri winaqi' kan nikitz'et k'a y nikik'en rukiy.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

2 Sam 22:14

Ri nimalej Jehová xch'on k'a pe chupan ri sutz' ri'. kan janila kow xch'on achi'el niq'ajan ri koqolajay.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Apocalipsis 18:1

Chirij ri' xintz'et chik jun ángel ri ruchapon-pe qajen ri chikaj y kan rik'in uchuq'a' peteneq. Y roma kan niyik'lun, xusaqirisaj ri ruwach'ulew.

San Mateo 28:2

Jari' toq xuben jun nimalej silonel roma jun ángel richin ri Dios ri peteneq chila' chikaj, xqaqa-pe y xusiloj ri abej, ri tz'apebel ruchi' ri jul.

San Mateo 27:51

Jari' k'a toq ri tzieq ri achoq ik'in ch'aron-wi ri rupan ri rachoch ri Dios xel pa ka'i'. Xuchop-pe pa jotol k'a pa xulan-qa. Chuqa' ri ruwach'ulew kan xsilon-wi y ri abej xerajro'.

Wuj Richin ri Habacuc 3:4

Ri Jehová kan nich'ich'an k'a toq xpe, achi'el niyik'lun ri q'ij toq niseqer-pe. Ri pa taq ruq'a' kan ye'el k'a ruch'ab ri saqil ri kan yech'ich'an, richin nrewaj ri uchuq'a' ri k'o rik'in.

Wuj Richin Bix Chire ri Dios 104:7

Jak'a toq rat xach'on kik'in, kan chi'anin xech'aratej. Xaxe xkak'axaj ri ach'abel ri kan achi'el koqolajay, chi'anin xebe pa taq kik'ojelibal.

Wuj Richin Bix Chire ri Dios 18:7

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

2 Sam 22:8

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

Wuj Kichin ri To'onela' 5:4

Toq rat Jehová xaya' kan ri juyu' Seir, toq xatel-pe pa ruwach'ulew Edom; kan jari' toq chijun k'a ri ruwach'ulew xsilon, y ri kaj xuya-pe job, y ri sutz' xeruya-pe ya'.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Ex 19:16

Y xk'uluwachitej k'a chi toq xapon ri rox q'ij nimaq'a' yan, xpe k'a koqolajay y koyopa' y xqaqa k'a jun pimilej-sutz' pa ruwi' ri juyu'. Y xebeq'ajan k'a pe rik'in janila uchuq'a' ri xupubel ri e banon rik'in uk'a'. Y ri winaqi' ri ek'o pa taq kachoch ri banon rik'in tzieq kan janila k'a xkik'en rukiy.

Wuj Richin Bix Chire ri Dios 18:14

Nuk'eq k'a pe koyopa' achi'el xa ta ch'ab. Y rik'in re' xuben chi xkitaluj-el-ki' ri e yakatajineq chuwij.

Wuj Richin Bix Chire ri Dios 18:15

Xeri' xbeq'alajin-pe ri nima'q taq siwan ri ek'o chupan ri palou, y kan xtz'etetej k'a ri ruxe' ri ruwach'ulew. Ronojel re' xa roma ri ruch'abel ri Jehová, roma ri nimalej ruxla'.