Wuj Richin Bix Chire ri Dios 76:7 - Kaqchiquel Bible

⁷ Kan xaxe wi k'a rat ri k'o akiy ¿Achike ta k'a wineq xtitikir xtupaba-ri' chawech toq awoyowal?

Wuj Richin Bix Chire ri Dios 76:7 ပူးပေါင်းရင်းမြစ်များ

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

Wuj Richin ri Esdras 9:15

Jehová, ri qa-Dios, rat kan janila at choj qik'in, roma xojaya' kan jun q'ataj. Y roj kan qitzij na wi k'o qamak chawech rat, y roma ri' kan man yojtikir ta yojk'oje' chawech, xicha'.

Wuj Richin Bix Chire ri Dios 130:3

Jehová, wi ta rat atz'iban ta ronojel ri qamak, ¿achike ta k'a xtitikir xtipa'e' chawech?

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 89:7

Rat kan k'o-wi aq'ij-ak'ojlen chikiwech ri ek'o awik'in. Konojel janila nikixibij-ki' chawech.

Wuj Richin Bix Chire ri Dios 90:11

¿Achike ta k'a wineq ri retaman ri retabal ri awoyowal rat, ri awoyowal ri kan ruk'amon chi niqak'en rukiy?

Ex 15:1

K'ari' ri Moisés y konojel ri ruwinaq xkibixaj ri rubi' ri Jehová y kere' k'a nubij ri bix ri xkibixaj: Xtiqabixaj k'a rubi' ri Jehová, roma rija' kan xq'alajin chi k'o ruq'ij-ruk'ojlen. Xuben chike ri kiej y ri e ch'okolibeyon kichin chi xemuqutej kan chupan ri palou.

Ex 15:4

Rat xaben chi ri carruaje y ri aj-labal xebe chuxe' ya', rat xaben chi ri aj-raqen xejiq' chupan ri Kaqa-Palou.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

1 Corintios 10:22

¿Niwajo' rix richin niyek royowal ri Dios? ¿Kan yixtikir kami rix nipaba-iwi' chuwech rija' rik'in ri ibanobal?

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.