Wuj Richin Bix Chire ri Dios 76:6 - Kaqchiquel Bible

⁶ Rik'in ri ach'olinik rat Jehová, kan xek'is k'a ri ki-carruaje y ri kikiej.

Wuj Richin Bix Chire ri Dios 76:6 ပူးပေါင်းရင်းမြစ်များ

2 Sam 10:18

Jak'a ri aj-Siria xa xe'animej chik chikiwech ri aj-Israel. Y rije' xekikamisaj kan e 40,000 achi'a' aj-Siria ri yech'oke' chirij kiej y 700 achi'a' ri e beneq pa carruaje.

2 Rey 19:35

Chupan ri aq'a' ri' ri Jehová xuteq jun ángel richin xerukamisaj e 185,000 achi'a' aj-Asiria ri ek'o-qa chiri'. Y toq xseqer-pe, konojel e punupuxineq chik ke taq ri'.

2 Crón 32:21

Y ri Jehová xuteq-pe jun ángel richin xeruk'is konojel ri aj-labal aj-Asiria ri ek'o chiri'; chuqa' xek'is konojel ri aj-raqen y ri achi'a' ri k'o más kiq'ij. Chirij re' ri Senaquerib xtzolin pa rutinamit rik'in janila k'ix. Y k'o k'a jun q'ij, xapon pa rachoch ri ru-dios, y kan chiri' k'a xkamisex-wi kan chi espada koma ri ralk'ual.

Wuj Richin Bix Chire ri Dios 104:7

Jak'a toq rat xach'on kik'in, kan chi'anin xech'aratej. Xaxe xkak'axaj ri ach'abel ri kan achi'el koqolajay, chi'anin xebe pa taq kik'ojelibal.

Wuj Richin Bix Chire ri Dios 18:15

Xeri' xbeq'alajin-pe ri nima'q taq siwan ri ek'o chupan ri palou, y kan xtz'etetej k'a ri ruxe' ri ruwach'ulew. Ronojel re' xa roma ri ruch'abel ri Jehová, roma ri nimalej ruxla'.

Wuj Richin Bix Chire ri Dios 80:16

Ri qaruwach'ulew xa kan xya'ox k'a ruq'aq'al, y tolan chik rubanon, roma ri' rik'in ri awoyowal ke'ak'isa' ri winaqi' ri xeya'on ruq'aq'al.

Ex 15:1

K'ari' ri Moisés y konojel ri ruwinaq xkibixaj ri rubi' ri Jehová y kere' k'a nubij ri bix ri xkibixaj: Xtiqabixaj k'a rubi' ri Jehová, roma rija' kan xq'alajin chi k'o ruq'ij-ruk'ojlen. Xuben chike ri kiej y ri e ch'okolibeyon kichin chi xemuqutej kan chupan ri palou.

Ex 15:10

Jak'a rat Jehová Dios xateq-pe ri nimalej kaq'iq'; y ri palou xerumuq kan rije'. Y choj xebe chuxe' ya' achi'el nuben ri chajipueq; choj xebe chuxe' ri ya', ri kan xbusku'l-qa chikij.

Ex 15:21

Y ri María kere' k'a ri xubixaj: Qojbixan chire ri Jehová qonojel, roma jun jebelej ch'akoj ri xuben. Rija' xuben chike ri kiej y ri e ch'okolibeyon kichin, chi xemuqutej kan chupan ri ya'.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin ri Jeremías 51:39

Jak'a toq janila yakatajineq koyowal, yin xtinya' ya' ri niq'abarisan chike richin xkeq'aber y xtisach kik'u'x. Keri' xtipe kiwaran y man xkek'astej ta chik jumul. Yin Jehová ri yibin.

Wuj Richin ri Jeremías 51:57

Yin Jehová ri k'o ronojel uchuq'a' wik'in y ri in rey ninbij chi ri e aj-raqen richin ri ruwach'ulew Babilonia, ri e aj-na'oj y ri e q'atbel taq tzij y ri e aj-labal kan xkenq'abarisaj y kan xkeken k'a chi waran richin q'asen y kan man xkek'astej ta chik pe.

Ez 39:20

Kan xtinben k'a chike chi xkewa' jebel rik'in ri kich'akul ri kiej, ri kich'akul ri achi'a' yech'oke' chirij kiej y ri jalajoj kiwech aj-labal. Y ri chikopi' ri' kan jebel xtinoj kipan. Yin Jehová ri ink'o pa ruwi' ronojel ri ninjikiba' re'.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Nahum 2:13

Ri Jehová k'iytisanel richin ronojel nubij: Jare' ink'o richin yixink'is. Xkenporoj k'a ri i-carruaje y xkebuqulin pa sib, Kan xkenk'is k'a ri iwalk'ual. Kan man xtinya' ta kan richin ja rix ta yixch'akon. Y kan man jun bey chik k'a xtak'axatej kich'abel ri yech'on pan iwi' rix.

Wuj Richin ri Nahum 3:18

Rat rey richin Asiria, ri e aj-raqen ri ek'o awik'in xa xewer-qa. Chuqa' ri achi'a' ri k'o kiq'ij xa xe'uxlan-qa. Ri awinaq xa xkitaluj-ki' pa taq q'ayis achi'el nikiben ri taq karne'l. Y man jun yuq'unel k'o richin nimolon kichin.

Wuj Richin ri Zacarías 12:4

Chuqa' xtinben chike chi konojel kiej xtikixibij-ki', y xkench'ujirisaj ri achi'a' ri e ch'okol chikij. Kan xkenchajij k'a ri e aj pa rachoch ri Judá y xkenmoyirisaj konojel kiej kichin ri ch'aqa' chik ruwach'ulew.

1 Sam 26:12

Ri David xuk'uaj k'a el ri rukum y ri ruk'ojelibal ruya' ri ruya'on kan chunaqaj ri ruch'akat-ruwi', y xebe. Man jun k'a xtz'eton-el kichin, ni man jun k'a xnaben-el kichin y man jun xna'on ruwech. Konojel k'a jebel yewer, roma ri Jehová xuben chike chi xqa' jun waran pa kiwi'.