Wuj Richin Bix Chire ri Dios 75:8 - Kaqchiquel Bible

⁸ Ri ruchojmilal ri' achi'el jun qumbel nojineq chi vino ri janila ruchuq'a'. Re ruchojmilal re' kan xtutix k'a pe rija', y ri winaqi' ri maneq Dios chikiwech, kan xtikiqum k'a ronojel, y man jun chik k'a tz'uj xtik'oje' kan.

Wuj Richin Bix Chire ri Dios 75:8 ပူးပေါင်းရင်းမြစ်များ

Wuj Richin ri Achin Job 21:20

Ri aj-mak kan tutz'eta' na ri ruk'ayewal ri xtipe pa ruwi', kan tuqumu' na ri royowal ri Dios ri k'o ronojel uchuq'a' pa ruq'a'.

Wuj Richin ri Jeremías 25:15

Ri Jehová xch'on wik'in pa jun achik' y xubij chuwe: Tatz'eta' re qumbel re' nojineq rik'in vino y re vino re' kan jari' ri woyowal. Tak'ama-pe y taya' chike konojel ri tzobaj winaqi' ri achoq kik'in xkatinteq-wi yin, richin nikiqum.

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Apocalipsis 16:19

Y ri akuchi k'o-wi ri nimalej tinamit Babilonia xjaqatej ri ruwach'ulew roma ri silonel. Pan oxi' k'a xuben chire ri tinamit ri'. Y ri ch'aqa' chik nima'q taq tinamit ri ek'o chuwech ri ruwach'ulew, xetzaq. Richin keri' ri Dios xuben ruk'exel chike ri winaqi' aj-Babilonia, y xuben chike chi tikiqumu' ri royowal rija'.

Wuj Richin ri Jeremías 25:17

K'ari' chupan ri achik' ri', yin xink'en-apo ri qumbel ri richin ruk'ayewal chiruq'a' ri Jehová y xinya' pa kiwi' konojel tzobaj winaqi' ri achoq kik'in xiruteq-wi richin xtiqaqa pa kiwi'.

Wuj Richin ri Isaías 5:22

Toq'ex iwech rix ri kan inimirisan-iwi' niqum vino, y kan ix nima'q nina-iwi' toq nixolola-qa ri ya' ri yeq'abarisan.

Wuj Richin Bix Chire ri Dios 60:3

Xaben k'a chiqe roj ri atinamit chi xqatz'et ri nima'q taq ruk'ayewal; Xaben chiqe chi achi'el xa ta xqaqum k'iy vino richin xojq'aber.

Wuj Richin ri Isaías 51:22

Jak'a re wakami ri Jehová ri qa-Dios xkixruto'. Rija' nuteq-pe rutzijol chi wakami kan xtrelesaj k'a pan iwi' ri royowal, achi'el nelesex ri qumbel pa ruq'a' jun q'abarel. Y kan man jun bey chik xtitej poqon roma ri royowal rija'.

Wuj Richin Etamabel-Tzij 23:30

Ri wineq ri', ja ri jantape' k'o vino chikiwech richin nikitej; ri kan jantape' ek'o-apo richin yekitejtobela' jalajoj ruwech vino.

Wuj Richin ri Isaías 51:17

Kixyakatej, kixyakatej rix aj-Jerusalem, ri itijon poqon roma royowal ri Jehová. Rix janila ruk'ayewal ik'owisan, ri kan man yixtikir ta yixpa'e', achi'el nuben jun wineq ri janila k'iy vino ruqumun.

Wuj Richin Bix Chire ri Dios 73:10

Y kan ek'o k'a chuqa' winaqi' ri choj kik'aslen ri yebe kik'in; kan junan k'a nikiben kik'in rije'.

1 Sam 2:7

Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

Ez 23:34

Xtaqum k'a ronojel ri k'o chupan ri qumbel y kan xtaq'axaj k'a ri ruk'ayewal. K'ari' xtapaxij, y rik'in ri' xtasok ruwa-ak'u'x. Yin Jehová ri yibin.