Wuj Richin Bix Chire ri Dios 75:4 - Kaqchiquel Bible

⁴ Yin kan ninbij k'a chike ri e nakaneq chi man tikinimirisaj-ki'; chike ri maneq Dios chikiwech, ninbij chi kan tikiqasaj-ki'.

Wuj Richin Bix Chire ri Dios 75:4 ပူးပေါင်းရင်းမြစ်များ

Wuj Richin ri Zacarías 1:21

Y yin xink'utuj ri achike nokibana' ri achi'a' ri'. Y rija' xubij chuwe chi ri kaji' uk'a' jari' ri ruwach'ulew ri xetalun-el kichin ri winaqi' aj-Judá, richin chi man chik xtikiyek-q'anej-ki'. Jak'a re e kaji' achi'a' re' e peteneq richin nokiya' nimalej xibinri'il pa kiwi' ri kaji' ruwach'ulew ri', y nokik'isa' roma ja rije' ri xetalun kichin ri aj-Judá.

Wuj Richin Etamabel-Tzij 8:5

Rix ri man k'iy ta iwetaman, kan tiwetamaj chi pa rubeyal niben rik'in ronojel, rix ri man k'iy ta etamabel k'o iwik'in, kan tiwetamaj k'a yixnojin jebel.

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?

Wuj Richin Bix Chire ri Dios 148:14

Rija' kan ruya'on k'a nimalej uchuq'a' chire ri rutinamit, konojel ri israelita kan tikiya' ruq'ij, roma ja rije' ri ek'o más naqaj chire rija'. ¡Kan tinimirisex k'a ruq'ij ri Jehová!

Wuj Richin Bix Chire ri Dios 94:8

Rix ri man jun iwetaman, kan tiq'ax k'a chiwech. Rix ri kan man jun ina'oj, ¿k'a janipe' k'a xkixok aj-na'oj?

Wuj Richin Bix Chire ri Dios 89:17

Rat naya' kuchuq'a' y naben chike chi yekich'ek ri e etzelanel kichin.

Wuj Richin Etamabel-Tzij 9:6

Kan tiya' k'a kan ri ik'aslen ri akuchi xa maneq na'oj, y tiwila' ri k'aslen, y kan tichapa-el ri k'aslen ri akuchi kan k'o etamabel.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

Wuj Richin Bix Chire ri Dios 68:3

Jak'a ri choj kik'aslen kan xkekikot; kan xkenimaq'ijun k'a chuwech ri Dios y xketzopiyaj roma kikoten.

Wuj Richin Bix Chire ri Dios 97:5

Ri nima'q taq juyu' kan yek'is-qa chuwech ri Jehová, achi'el nuben ri cera toq niya'er-qa. Kan yek'is-qa chuwech ri rajaw chijun ri ruwach'ulew.