Wuj Richin Bix Chire ri Dios 75:2 - Kaqchiquel Bible

² Rat kan kere' k'a nabij: Yin ninq'et-tzij toq ninwajo' yin, kan xtinq'et k'a tzij rik'in ruchojmilal.

Wuj Richin Bix Chire ri Dios 75:2 ပူးပေါင်းရင်းမြစ်များ

Wuj Richin ri Molojri'il 3:17

Y roma ri' yin xinch'ob pa wánima, ri choj kik'aslen y ri man choj ta kik'aslen ja ri Dios xtibeq'aton-tzij pa kiwi' roma kan xtapon k'a ruq'ijul richin nibanatej ronojel ri'.

Hechos 17:31

Roma rija' kan rucha'on jun q'ij richin toq xtuq'et-tzij pa kiwi' konojel winaqi'. Rucha'on chik k'a Jun ri kan choj xtiq'aton-tzij. Ri Dios xuq'alajirisaj chi qitzij chi ri Jun ri' xtiq'aton-tzij, roma xuben chire chi xbek'astej-pe chikikojol ri kaminaqi', xcha' ri Pablo.

Hechos 1:7

Jak'a ri Jesús xubij chike: K'a ja na ri Dios nibin jampe' xtibanatej ri', y man nik'atzin ta chi niwetamaj rix.

San Juan 7:6

Roma ri' ri Jesús xubij k'a chike ri e rach'alal: Rix xabachike k'a q'ij utz yixapon chupan ri nimaq'ij. Jak'a yin man keri' ta. Yin man jani utz richin yinapon.

Wuj Richin Bix Chire ri Dios 102:13

Ri q'ij richin najoyowaj chik ruwech ri Sión kan xapon k'a. Y kan xtz'aqet yan k'a ri q'ij ri abin-pe. Roma ri' kan xkayakatej k'a pe y xtajoyowaj chik ruwech.

Wuj Richin Bix Chire ri Dios 101:2

Ninrayibej chi choj ta ri nuk'aslen. Keri' toq rat xkape wik'in richin yinato'. Yin kan rik'in ruch'ajch'ojil wánima xtinq'et-tzij chupan ri wachoch.

2 Sam 8:15

Ri David xq'aton-tzij pa ruwi' chijun ruwach'ulew Israel. Y kan ronojel k'a utz y pa ruchojmilal ri xeruben rik'in ri tinamit.

2 Sam 5:3

Chuqa' xepe k'a konojel ri aj-raqen richin ri Israel rik'in ri David pan Hebrón. Y ri David xujikiba' k'a rutzij chuwech ri Jehová y chikiwech rije'. Y xkiqasaj k'a aceite pa ruwi' richin xok kan rey richin chijun Israel.

2 Sam 2:4

Y xeri' xe'apon k'a ri e aj-raqen richin ri Judá rik'in ri David richin xbekiqasaj aceite pa ruwi' richin xok kan rey. Chirij ri' xtzijox chire ri David chi ja ri achi'a' aj-Jabés ri richin Galaad ri xebanon utzil richin xkimuq ri Saúl.

Wuj Richin ri Isaías 25:1

Ja rat Jehová, ja rat ri at qa-Dios, xtiqanimirisaj y xtiqabixaj ri abi'. Ri ojer kan rat xach'ob xe'aben meyel taq banobel, y wakami kan xaben ri xabij. Kan xaben ri xasuj.