Wuj Richin Bix Chire ri Dios 74:4 - Kaqchiquel Bible

⁴ Ri e etzelanel awichin rat kan yesik'in k'a chupan ri awachoch, Kan kiya'on k'a retal richin nikik'ut chi xech'akon.

Wuj Richin Bix Chire ri Dios 74:4 ပူးပေါင်းရင်းမြစ်များ

2 Crón 36:17

K'ari' ri Jehová xuben chire ri rey richin ri Babilonia, richin xerukamisaj chi espada ri alaboni', stape' ek'o chupan ri rachoch ri Dios. Kan man xupoqonaj ta ri kik'aslen ri alaboni', ni ri xtani', ni ri rijita'q taq winaqi'. Konojel re' ri Jehová kan xerujech pa ruq'a' ri rey richin Babilonia.

Wuj Richin ri K'uxla'anik 2:7

Ri Jehová kan xumalij k'a kan ri porobel ri k'o pa rachoch. Xuben kan chire ri rachoch chi kan man jun rejqalen. Xujech k'a pa kiq'a' ri e etzelanel qichin, ri rachoch ri rey. Ri e etzelanel qichin kan xkiraqala' k'a kichi' chupan ri rachoch ri Jehová; achi'el xa ta ja ri q'ij richin nimaq'ij xkiben chupan.

Dn 6:27

Rija' kan yerukol ri winaqi' y kan yerujikiba' kan, kan yeruben k'a meyel taq banobel chila' chikaj y chuwech re ruwach'ulew. Ja rija' xkolon richin ri Daniel chikiwech ri koj, xcha' ri Darío.

Wuj Richin ri Q'axanri'il 2:2

Ri winaqi' richin ri tinamit Israel, kan pa rusutilen ri wachoch ri richin molojri'il yek'oje-wi y nej k'a juba' k'o chi yek'oje-wi-el. Chikijujunal k'o chi yek'oje' ri akuchi nik'oje-wi ri tzieq retal ruk'exewach ri kitzobaj.

San Mateo 24:15

Chuqa' kan xtapon-wi ri q'ij toq xkebanatej ri itzel taq banobel ri achoq chirij xch'on-wi kan ri Daniel. Y ri etzelal ri' xtiban chupan ri loq'olej jay akuchi man jun nok-apo, chupan ri rachoch ri Dios. Ri nitz'eton ri tz'ibatel kan wawe', kan tiq'ax k'a chuwech ri nutz'et.

San Lucas 13:1

Chupan ri q'ij ri' ek'o ka'i-oxi' winaqi' ri xe'apon rik'in ri Jesús, y xkitzijoj chire chi ek'o ka'i-oxi' achi'a' aj-Galilea ri xekamisex roma ri Pilato toq ek'o pa rachoch ri Dios, y ri kikik'el ri achi'a' xuxol-ri' rik'in ri kikik'el ri chikopi'.

San Lucas 21:20

Jak'a toq xtitz'et chi ri Jerusalem sutin rij koma aj-labal, tiwetamaj k'a chi jari' xapon ri q'ij richin niwulex.

Apocalipsis 13:6

Y kan keri' k'a xuben ri chikop ri'. Itzel xch'on chirij ri Dios, xuyoq' ri rubi', itzel chuqa' xch'on chirij ri rachoch ri Dios y chikij ri ek'o chila' chikaj.