Wuj Richin Bix Chire ri Dios 74:17 - Kaqchiquel Bible

¹⁷ Ja rat xaya'on ri ruk'ulba't ri ruwach'ulew. Ri saq'ij y ri job ja rat xachojmirisan.

Wuj Richin Bix Chire ri Dios 74:17 ပူးပေါင်းရင်းမြစ်များ

Deut 32:8

Xtikitzijoj k'a chiwe chirij toq ri Dios xujech ri ruwach'ulew, toq xujech chikiwech konojel ri tzobaj winaqi' ri kiruwach'ulew. Chuqa' xuya' jun ángel pa kiwi' ri tzobaj richin yeruchajij. Jak'a ri xojchajin roj israelita ja ri Jehová.

Hechos 17:26

Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

Wuj Richin ri Rutikeribel 8:22

Rokik nik'oje' re ruwach'ulew xtik'oje' tiko'n y kan xtiwachin. Y man jun bey k'a xtik'is ri tew, ni ri k'aten, ri job y ri saq'ij, ni ta ri paq'ij y ni ta ri aq'a', xcha' ri Dios.

Wuj Richin ri Achin Job 38:18

¿Kan ach'obon k'a ri achike rubanik re ruwach'ulew y ri k'a akuchi napon-wi? wi kan awetaman ronojel, tatzijoj k'a chuwe.