Wuj Richin Bix Chire ri Dios 74:15 - Kaqchiquel Bible

¹⁵ Xe'ajeq k'a ri ralaxbel taq ya' y ri ch'uti'n raqen taq ya', y xachaqirisaj k'a rupan ri nima'q taq raqen-ya'.

Wuj Richin Bix Chire ri Dios 74:15 ပူးပေါင်းရင်းမြစ်များ

Wuj Richin ri Q'axanri'il 20:11

Y jari' toq ri Moisés xutzeqej k'a ri ruch'ame'y y xuk'osij ka'i' mul ri abej. Y kan jari' xbechoxcho-pe ya' chupan ri abej; y xe'uk'ya' k'a konojel ri winaqi', y xe'uk'ya' chuqa' ri kawej.

Wuj Richin ri Isaías 48:21

Toqaqa k'a chi'ik'u'x chi ri ite-itata' man xchaqi'j ta kichi' toq xebe pa tz'iran ruwach'ulew. Yin xinpaxij ri nima-abej richin chiri' xel-pe ri ya'.

Wuj Richin Bix Chire ri Dios 105:41

Xujeq k'a ri nimalej abej, y kan xuben chi xbebulbu'x-pe ri ya' chupan. Kan xbiyin k'a el chupan ri chaqi'j ruwach'ulew achi'el jun raqen-ya'.

Wuj Richin ri Josúe 2:10

roma qak'axan chik chi toq xixel-pe pan Egipto, ri Jehová kan xuchaqirisaj ri Kaqa-Palou chiwech richin chi xixq'ax chupan, y chuqa' qak'axan chik toq xe'ik'is ri Sihón y ri Og, rey kichin ri amorreo ri ek'o juk'an chire ri Jordán.

Apocalipsis 16:12

Ri ruwaq ángel xberuq'eja' kan pa ruwi' ri nimalej raqen-ya' Éufrates ri ruk'uan-el chupan ri qumbel. Y ri raqen-ya' ri' xchaqi'j-qa richin chi xunaba' kan ri kibey ri q'atoy taq tzij ri e peteneq kere' pa relebel-q'ij.

Wuj Richin ri Habacuc 3:9

Ri rute-ach'ab kan anaban chik richin yak'aqon, y kan anaban chik k'a ronojel ri ach'ab. Rik'in ri raqen taq ya' kan xe'ajaqala-qa ri ruwach'ulew.

Wuj Richin ri Isaías 44:27

Ja yin ri yibin chire ri palou chi kechaqi'j-qa. Ja yin chuqa' yichaqirisan kichin ri raqen taq ya'.

Wuj Richin ri Isaías 11:16

Chuqa' xtibek'oje' jun nimalej bey richin xkeq'ax-pe chupan ri xketzolin-pe pan Asiria. Y ri bey ri' kan janila nim, achi'el ri bey ri xk'oje' chupan ri Kaqa-Palou, toq ri qati't-qamama' xe'el-pe pa ruwach'ulew Egipto.

Wuj Richin Bix Chire ri Dios 78:15

Xupaxij k'a ri abej pa tz'iran ruwach'ulew, y xuya' k'a kiya' pa ruk'iyal, richin xkiqum konojel.

2 Rey 2:8

K'ari' ri Elías xuchop ri ko'ol raqen rutziaq y xubolqotij. Y rik'in ri' xukajij ri ya'. Y ri ya' ri' xch'aratej pa ka'i', y xeq'ax-el pa chaqi'j ri juk'an chik ruchi' ri ya'.

2 Rey 2:14

Y rik'in ri tzieq ri', ri Eliseo xukajij ri ya' achi'el xuben ri Elías toq xeq'ax-apo, y xubij: ¿Akuchi k'o-wi ri uchuq'a' ri xuya' ri Jehová chire ri Elías?, xcha'. Y ri ya' ri' kan xch'aratej chik pa nik'aj, y keri' ri Eliseo xq'ax-apo ri juk'an chik ruchi' ri raqen-ya'.

Wuj Richin Bix Chire ri Dios 114:3

Ri Kaqa-Palou kan xaxe toq xerutz'et, xanimej chikiwech rije'. Ri raqen-ya' Jordán kan xutzolij k'a ri' chirij.