Wuj Richin Bix Chire ri Dios 74:13 - Kaqchiquel Bible

¹³ Xach'er k'a rupan ri palou rik'in ri awuchuq'a'. Kan xapaxij k'a kijolon ri nima'q taq chikopi' ri ek'o chupan ri ya'*f72*.

Wuj Richin Bix Chire ri Dios 74:13 ပူးပေါင်းရင်းမြစ်များ

Ex 14:21

Y ri Moisés xuyek ri ruq'a' y xuyuq-apo ri ruch'ame'y pa ruwi' ri Kaqa-Palou. Y chupan k'a ri junaq'a' ri', ri Jehová xuben chi xpe jun nimalej kaq'iq' ri pa relebel-q'ij y re' xuben chi ri ya' xch'aratej y xchaqi'j-qa ri ruxe'.

Wuj Richin Bix Chire ri Dios 78:13

Ri Dios kan xuch'er k'a ri palou y xeruq'axaj chupan. Xuq'et k'a ri ya', y kan achi'el tz'aq xuben chire.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Wuj Richin Bix Chire ri Dios 66:6

Xuben chi ri Kaqa-Palou, xchaqer, y kan chikaqen k'a xeq'ax-el chupan. Kixanpe k'a, qojkikot rik'in ri Dios.

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Ex 14:28

Toq ri ya' ri' xutz'apej-ri', kan xqaqa-wi pa kiwi' ri carruaje, ri kiej y pa kiwi' ri aj-labal ri e richin ri rey ri xe'ok-apo chikij ri israelita chupan ri Kaqa-Palou y kan man jun k'a chike rije' ri xkolotej ta kan.