Wuj Richin Bix Chire ri Dios 73:6 - Kaqchiquel Bible

⁶ Roma ri' ri nimirisanen ri k'o kik'in, kan achi'el jun wiqobel kibanon chire, ri kamik ri nikiben, kan yekikot rik'in.

Wuj Richin Bix Chire ri Dios 73:6 ပူးပေါင်းရင်းမြစ်များ

Wuj Richin Bix Chire ri Dios 109:18

Achi'el ri winaqi' jantape' kikusan kitziaq, keri' nuben rija' jantape' nroyoj etzelal pa kiwi' ri winaqi'. Kan ta k'a xtubeq' ri etzelal achi'el nuqum ruya'. kan ta k'a ri etzelal ri' xtapon chupan ri rubaqil, achi'el ri aceite.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Wuj Richin Etamabel-Tzij 1:9

Roma re' kan xke'ok jun wiqobel ri nik'oje' pan ijolon, kan xke'ok k'a chuqa' achi'el jun ichinaj ri nikiwiq jebel ri ruwa taq ik'u'x.

Wuj Kichin ri To'onela' 8:26

Y ri ralal ronojel ri xmolotej, xuben jubama kawineq libra, y man xetex ta ri ichinaj ri e tzeqel chikiqul ri rey richin Madián, ni ri tzieq ri q'eqq'oj-keq yetzu'un ri nikikusaj rije', y chuqa' man xetex ta ri kichinaj ri camello.

Wuj Richin ri Miqueas 3:5

Ri nikibananej chi e q'alajirisey ruch'abel ri Dios xa e q'olonel. Toq k'o jun wineq nusuj kiway, nikoyoj urtisanik pa ruwi'. Jak'a ri wineq ri man nusuj ta kiway, xa nikoyoj etzelanik pa ruwi'. Roma ri' ri Jehová xtuya' ruk'ayewal pa kiwi'.

Ez 16:11

Xatinwiq k'a rik'in jalajoj ruwech wiqobel ri e banon rik'in q'anapueq, xinya' retz'aba'l-aq'a' y awichinaj,

Wuj Richin ri Jeremías 48:29

Kan wetaman k'a ri inimirisanen rix.

Wuj Richin ri Jeremías 48:11

Rix aj-Moab kan pa rutikeribel k'o-pe ri uxlanibel-k'u'x iwik'in. Man jun bey ix uk'uan ta el pa ximonri'il. Rix ix achi'el k'a ri vino ri niya'ox pa jun k'ojelibel ri man jun bey nituk ruwech richin nutun ta ri' rik'in ri k'ey y man nijam ta chupan jun chik k'ojelibel. Roma ri' kan k'o ruki'il y man k'isineq ta ri ruxla'.

Wuj Richin ri Nimalej Bix 4:9

Xaxe rik'in jun ti atzubal, kan xaweleq'aj kan ri wánima rat, wajowanel yin. Kan xaweleq'aj ri wánima toq nich'ich'an ri awichinaj.

Wuj Richin ri Molojri'il 8:11

Roma janila niyaloj richin chi niq'at-tzij pa ruwi' ri banoy etzelal, roma ri' ek'o ch'aqa' chik winaqi' ri xa nipe pa kich'obonik chi nikichop rubanik etzelal.

Wuj Richin Etamabel-Tzij 4:17

Ri wey ri nikitej rije' kan ja ri itzel taq kibanobal ri niya'on chike, y ri vino ri nikiqum, ja ri koyowal ri niya'on chike.

Wuj Richin Etamabel-Tzij 3:31

Man tipe rayibel iwik'in chi yixok ta achi'el jun wineq banoy oyowal, ni man tirayij nitzeqelibej ri rubey ri wineq ri'.

Wuj Richin Bix Chire ri Dios 109:29

Ri e etzelanel wichin kan ta k'a xtikiya' kik'ix. Kan ta k'a xtiqaqa ri sachibel-k'u'x chikij achi'el xa ta jun tzieq.

Ester 3:1

K'o k'a jun achin rubini'an Amán, ruk'ajol ri Hamedata, y rijatzul kan ri Agag. Y ri rey Asuero kan xuya' janila rejqalen ri Amán, y xuben chire chi ja rija' xok más nim pa kiwi' konojel ri e aj-raqen richin chijun ri ruwach'ulew ri k'o pa ruq'a' ri rey.

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

Wuj Richin ri Rutikeribel 41:42

jari' toq xrelesaj ri retz'aba'l ruwi' ruq'a' ri retal q'atbel-tzij y xuya' chuwi-ruq'a' ri José. K'ari' xubij richin tikijala' ri rutziaq, y tikiya' ri tzieq ri banon rik'in lino ri más utz chire, chuqa' tikiya' jun ichinaj chuqul ri banon rik'in q'anapueq.