Wuj Richin Bix Chire ri Dios 73:26 - Kaqchiquel Bible

²⁶ Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin Bix Chire ri Dios 73:26 ပူးပေါင်းရင်းမြစ်များ

Wuj Richin Bix Chire ri Dios 138:3

Ri q'ij toq yin xich'on awik'in, kan xak'uluba-pe ri nuch'abel; kan xaya' k'a ri wuchuq'a'.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 84:2

Ri wánima kan nurayibej chi nik'oje' ta pa ruwa-jay chire ri awachoch. Rik'in ronojel wánima, ninya' aq'ij rat k'aslik Dios. Ninbixaj rik'in kikoten.

Wuj Richin Bix Chire ri Dios 63:1

¡Nimalej Dios, ja rat ri at nu-Dios! Yin kan jantape' k'a yatinkanoj; ri wánima kan nichaqchi'in chawij. Yin kan yatinrayij k'a toq ink'o chupan re ruwach'ulew chaqi'j y tz'iran akuchi maneq ya'.

Wuj Richin Bix Chire ri Dios 142:5

Yin kan xich'on k'a awik'in rat Jehová; ninbij k'a chi ja rat ri at nukuqubabel-k'u'x, y re wawe' chuwech re ruwach'ulew kan xaxe wi rat ri atk'o wik'in.

Wuj Richin ri K'uxla'anik 3:24

Ri qánima kan nubij k'a chi ja ri Jehová niya'on ronojel ri nik'atzin chiqe. Roma ri' rik'in rija' niqakuquba-wi qak'u'x.

Wuj Richin Bix Chire ri Dios 27:14

Tawoyobej rik'in ri Jehová. Tatija' aq'ij y man tamalij ak'u'x; kan tawoyobej k'a pa ruq'a' ri Jehová.

2 Pedro 1:14

Y yin kan wetaman chik k'a chi xaxe chik ka'i-oxi' q'ij ink'es, roma keri' xq'alajirisex chinuwech roma ri qajaw Jesucristo.

Filipenses 1:21

Roma, ri k'aslen chuwe yin, kan ja ri Cristo. Y ri kamik xa kan k'o más utz nuk'en-pe chuwe.

Wuj Richin Bix Chire ri Dios 119:57

Jehová kan ja rat ri' ri ronojel ri wichin yin; kan nubin chi kan jantape' xtinnimaj ri ach'abel.

Wuj Richin Bix Chire ri Dios 40:12

Roma janila ruk'ayewal ri nuk'uluwachin kan man yitikir ta ninwajlaj. Ri numak kan xiruq'i' yan, y roma ri' kan man yitikir ta chik yitzu'un. Kan más k'a xek'iyer ke chuwech ri rusumal-nuwi', y kan janila xinmalij-qa nuk'u'x.

Wuj Richin ri Achin Job 13:15

Y stape' ri Dios kan yirukamisaj, yin kan nukuquban nuk'u'x rik'in. Chuqa' xtinq'alajirisaj chuwech rija' ri rubanik ri nuk'aslen.

Apocalipsis 21:7

Ri xtich'akon xtrichinaj re urtisanik re'. Ja yin k'a xkinok ru-Dios, y rija' walk'ual.