Wuj Richin Bix Chire ri Dios 73:19 - Kaqchiquel Bible

¹⁹ Pa jun ramaj k'a xkewuluwu', y roma ri kixibinri'il xke'apon pa kamik.

Wuj Richin Bix Chire ri Dios 73:19 ပူးပေါင်းရင်းမြစ်များ

Dn 5:6

kan jari' k'a toq xjalatej-qa ri ruwech roma xibinri'il y xuchop nibaybot chijun ri ruch'akul, kan xk'is k'a ri ruchuq'a' y man xtikir ta chik xpa'e'.

Wuj Richin ri Isaías 47:11

Jak'a xtipe ruk'ayewal pan iwi' y kan man jun xtiq'aton richin, roma kan man xkixtikir ta chik xtiben jun meyel banobel richin yixrukol rix. Jun ruk'ayewal xtipe pan iwi', y rix kan man xkixtikir ta xtitoj jun aj-itz richin yixrukol. Chaq k'ate' xtoqaqa pan iwi' ri man iwoyoben ta.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Richin ri Achin Job 20:5

Kan awetaman k'a chi ri itzel taq winaqi' xa man niyaloj ta ri kikoten kik'in. Ri kan maneq Dios chikiwech, xa jun ok ti ramaj nuben ri kikikoten.

Wuj Richin ri Achin Job 15:21

Xa kan ruyon k'a ch'abel richin xibinri'il ri yerak'axaj; toq jebel eleneq chuwech ronojel jari' toq yepe ri eleq'oma' chirij.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

Hechos 2:23

Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

Wuj Richin ri Isaías 30:13

Rix kan nich'ob chi janila iwuchuq'a' achi'el jun nimalej tz'aq. Jak'a pa ruk'exel ri', xa ix achi'el jun tz'aq ri xa ch'aratajineq chik, ri chaq k'ate' nitzaq-qa.

Wuj Richin Bix Chire ri Dios 58:9

Ke'ak'uqu-el achi'el ri k'ix ri man jani k'o ruk'ixal, ke'ak'uqu-el rik'in ri awoyowal, achi'el xa ta juwi' k'ix ri nik'uq-el roma ri surkum.

Wuj Richin ri Achin Job 18:11

Xabakuchi k'a nibe-wi; kan jantape' ruxibin-ri'; y kan nuna' chi k'o tzeqelibeyon richin.

1 Sam 28:20

K'ari' ri Saúl xbaqabo-qa pan ulew, y kan janila xuk'en rukiy roma ri xubij ri Samuel chire. Kan man jun chik k'a ruchuq'a', roma man wayneq ta chijun q'ij y chijun aq'a'.

Wuj Richin ri Q'axanri'il 16:21

Tijech'ej-el-iwi' chikikojol ri iwinaq, roma yin kan ja re wakami yan xkenk'is jumul, xcha'.

1 Sam 25:38

Y pa lajuj q'ij ri Jehová xuben chire ri Nabal chi xken.

Wuj Richin ri Molojri'il 9:12

Y roj man qetaman ta achike xtuben ri qak'aslen chiqawech-apo. Xa achi'el ri ker ri nikiya-ki' pa ya'l y ri taq aj-xik' chikopi' toq nikiya-ki' pa pikbel. Xa kan keri' chuqa' niqaben roj. Toq man jun niqach'ob, kan jari' niqaqa ri ruk'ayewal ri k'aslen pa qawi'.