Wuj Richin Bix Chire ri Dios 73:18 - Kaqchiquel Bible

¹⁸ Kan qitzij na wi chi rat Jehová kan e aya'on k'a re itzel taq winaqi' re' chuwa-liq'. Xa xtaben k'a chike chi xkebetzaq y xkek'is chiri'.

Wuj Richin Bix Chire ri Dios 73:18 ပူးပေါင်းရင်းမြစ်များ

Wuj Richin Bix Chire ri Dios 35:6

Tabana' chi ri kibey kan q'equ'm y kan yejilijo' ta, y chi ri ángel awichin rat kan xkerutzeqelibej ta k'a.

Wuj Richin ri Jeremías 23:12

Roma ri' xtinben chi ri kibey janila liq', richin chi xkejilijo'. Y xkenteq pa jun nimalej q'equ'm akuchi man ink'o ta yin. Keri' toq xtinya-pe nimalej ruk'ayewal pa kiwi'. Yin Jehová ri yibin.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Wuj Richin Bix Chire ri Dios 94:23

Rat Jehová kan xtaben k'a chi ri kimak ri e banoy taq etzelal kan xtikejqalej rije'. Kan xke'ak'is k'a chupan ri kimak. Kan jak'a rat Jehová ri at qa-Dios ri xkabanon keri' chike ri winaqi' ri'.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

Wuj Richin Bix Chire ri Dios 92:7

Wi ri e banoy etzelal yek'iy achi'el ri q'ayis, y utz nikiben-q'anej, xaxe richin yek'is jumul.

Wuj Richin Bix Chire ri Dios 37:20

Jak'a ri e banoy etzelal kan xkek'is k'a. Ri e etzelanel richin ri Jehová, kan xkek'is k'a, kan xkek'is achi'el toq nik'is ri sib.

Wuj Richin Bix Chire ri Dios 37:24

Y stape' nupajk'ij raqen, man nitzaq ta kan jumul. Roma ja ri Jehová ri chapayon chiruq'a'.

Wuj Richin Bix Chire ri Dios 92:8

Jak'a rat Jehová kan jantape' k'a nimalej aq'ij.