Wuj Richin Bix Chire ri Dios 73:13 - Kaqchiquel Bible

¹³ Jari' k'a toq xinbij-qa chi xa man jun nik'atzin-wi chi ch'ajch'oj ri wánima, ni ri nuchajin-wi' richin man ninben ta ri etzelal.

Wuj Richin Bix Chire ri Dios 73:13 ပူးပေါင်းရင်းမြစ်များ

Wuj Richin Bix Chire ri Dios 26:6

Ninch'ej k'a ri nuq'a' richin niq'alajin chi maneq numak chawech. K'ari' yisutin chirij ri porobel richin ninya' aq'ij,

Wuj Richin ri Achin Job 34:9

Ri Job kan rubin k'a: Ri wineq xa man jun nuch'ek chi kan utz nuben chuwech ri Dios, chayineq.

Wuj Richin ri Achin Job 21:15

Y chuqa' nikibij: ¿Achike ta k'a ri Dios, ri k'o ronojel uchuq'a' pa ruq'a', richin chi niqasamajij? ¿Kan k'o ta kami k'a ri niqach'ek, ri yojch'on-q'anej rik'in?, yecha'.

Wuj Richin ri Achin Job 35:3

Roma rat kere' xabij chire ri Dios: ¿Kan yarumej kami rat ri numak yin? Roma xa ja yin ri yinejqalen wi k'o mak ri nubanon.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Wuj Richin ri Malaquías 3:14

Chuqa' nibij chi man jun nuq'ajuj chi yinisamajij yin, y man jun nuk'en-pe chiwe chi nitaqej ri nupixa'. Chuqa' nibij chi man jun rejqalen chi rik'in bis yixk'ase'.

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin Bix Chire ri Dios 24:4

Xa kan xaxe k'a ri ch'ajch'oj kibanobal y ch'ajch'oj kánima, ri man kikuquban ta kik'u'x rik'in ri wachibel, ni man jun q'olonik nikiben.

Wuj Richin ri Achin Job 9:31

Chuwech rija' xa pa ch'abeq chik ink'o-wi, y roma ri' ri nutziaq achi'el xa ta nikixibij-ki' chinuwech.

Wuj Richin ri Achin Job 9:27

Y stape' yin ninbij-qa: Tik'oje' na kan re q'axo'n re', tinjala' na ri rubanik ri yitzu'un y xtink'ut chi yikikot.

Wuj Richin ri Achin Job 9:29

Wi rija' kan rubanon chuwe chi in aj-mak, ¿K'o kami nuk'atzinej-wi re yikos richin ninto-wi' chuwech?