Wuj Richin Bix Chire ri Dios 73:12 - Kaqchiquel Bible

¹² Ri winaqi' ri janila e itzel kan man jun k'a q'axo'n nikiq'axaj, y kan janila k'a chi beyomel nikil.

Wuj Richin Bix Chire ri Dios 73:12 ပူးပေါင်းရင်းမြစ်များ

Wuj Richin Bix Chire ri Dios 52:7

Titzu' ri xuk'uluwachij ri wineq ri man xukuquba' ta ruk'u'x rik'in ri Dios. Xa kan rik'in k'a ri rubeyomel ri xukuquba-wi ruk'u'x. y jantape' xk'oje' chupan ri rumak.

San Lucas 16:19

Ri Jesús xubij k'a: Xk'oje' k'a jun achin ri janila beyom. Rija' ruyon k'a jebel taq tzieq ri jotol kajel ri yerukusala', y q'ij-q'ij nubanala' nima'q taq wa'in.

Wuj Richin ri Jeremías 5:28

Y kan janila e ti'oj, roma jebel yetzuq. Ri kimak kan ik'owineq chik ruwi' ri nikiben, roma man nikiben ta pa ruchojmilal kik'in ri meba'i', ni man nikiq'et ta tzij pa ruchojmilal pa kiwi' ri man jun ok k'o kik'in.

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin Bix Chire ri Dios 49:6

Ri kikuquban kik'u'x rik'in ri kibeyomel, y ri kan nikinimirisaj-ki' rik'in ronojel ri k'o kik'in,

Wuj Richin Bix Chire ri Dios 37:35

Yin kan xintz'et k'a jun wineq ri banoy etzelal kan janila xunimirisaj-ri'. Xnimer k'a achi'el jun nimalej che', ri kan rex-rex nitzu'un.

Wuj Richin Bix Chire ri Dios 17:14

Rik'in ri aq'a' kinakolo' chikiwech re winaqi' re'; ri xa rik'in re ruwach'ulew kikuquban kik'u'x, ri xa rik'in re k'aslen chuwech re ruwach'ulew yekikot-wi; ri kan nikinojisaj ri kipan rik'in ri abeyomel rat; rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.