Wuj Richin Bix Chire ri Dios 72:6 - Kaqchiquel Bible

⁶ Ri ruq'atoj-tzij ri rey kan achi'el k'a ri job pa ruwi' ri q'ayis, achi'el chuqa' ri raxq'ab ri niqaqa-pe pa ruwi' ri ruwach'ulew.

Wuj Richin Bix Chire ri Dios 72:6 ပူးပေါင်းရင်းမြစ်များ

Wuj Richin Bix Chire ri Dios 65:10

Kan naben k'a chi ri boloj kan yemu'e-qa, y ri ya' yebiyin k'a chukojol. Rik'in ri job kan buyul-buyul k'a nuben ri ulew, y yojawurtisaj k'a rik'in ri qatiko'n.

Wuj Richin Etamabel-Tzij 16:15

Toq ri rey kan nikikot y nitze'en ruwech, kan man jun k'a xtrelesaj ruk'aslen; y ri utzil ri xtuya' pa kiwi' ri winaqi', kan xtiqaqa k'a achi'el nuben ri job toq pa ruq'ijul niqaqa.

Wuj Richin Etamabel-Tzij 19:12

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Wuj Richin ri Miqueas 5:6

Re aj-raqen re' kan xtikiq'et-tzij pa ruwi' ri tinamit Asiria rik'in uchuq'a'. Keri' chuqa' xtikiben chire chijun ri ruwach'ulew Asiria.*f1* Keri' re achi'a' re' kan xqojkikol k'a chikiwech ri e etzelanel qichin, toq xkeyakatej-pe chiqij y xke'ok-pe chupan re qaruwach'ulew.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.