Wuj Richin Bix Chire ri Dios 72:12 - Kaqchiquel Bible

¹² Rija' xtikolon kichin ri k'o nik'atzin chike, toq rije' xtikik'utuj to'onik, xkeruto' chuqa' ri e k'ayewatajineq y man jun nito'on kichin.

Wuj Richin Bix Chire ri Dios 72:12 ပူးပေါင်းရင်းမြစ်များ

2 Sam 14:16

Rat nu-rey kan xawak'axaj k'a ri nuch'abel, y xajikiba' atzij chi kan xqojakol-wi y man jun xtelesan ri k'o chi nrichinaj ri wal.

Wuj Richin ri Achin Job 29:12

Rije' kan ketaman k'a chi yin xinkol ri nuk'utuj to'onik. Y kan xenwilij k'a ri meba'i' ri man jun nito'on kichin.

Wuj Richin ri Achin Job 36:15

Ri Dios kan nukusaj k'a ri tijoj-poqonal richin chi nukol ri wineq, k'iy ruk'ayewal yeruya' pa rubey richin chi tik'astej y tutzu' ri akuchi k'o-wi.

Wuj Richin Bix Chire ri Dios 10:17

Ri kirayibel ri kiqasan-ki' chawech, kan jantape' nawak'axaj; kan naya' ruchuq'a' ri kánima y ye'ato'.

Wuj Richin Bix Chire ri Dios 102:17

Xtawak'axaj ri ruch'owen ri asamajel. Kan xtawak'axaj k'a ri kich'abel ri kan man jun nito'on kichin.

Wuj Richin Bix Chire ri Dios 102:20

Roma ri' kan xtawak'axaj k'a ri kijiloj ri ek'o pa ximonri'il. Xa xke'awisq'opej k'a el ri ye'apon yan pa kamik,

Wuj Richin Bix Chire ri Dios 55:17

Yin kan xkich'on k'a rik'in rija' ri tiqaq'ij, nimaq'a' o pa taq nik'aj-q'ij. Rija' kan xtrak'axaj k'a ri nuch'abel.

Wuj Richin Bix Chire ri Dios 72:4

Xtuq'et k'a tzij pa kiwi' ri e k'ayewatajineq. Xkerukol k'a kalk'ual ri man jun k'o kik'in. Jak'a ri xetz'ilon kichin, rat xke'aya' pa ruk'ayewal.

Wuj Richin Etamabel-Tzij 29:7

Ri wineq ri kan utz runa'oj, kan k'o rayibel rik'in chi yeruto' ri winaqi' ri man jun ok k'o kik'in; jak'a ri wineq ri xa itzel, man retaman ta wi ri winaqi' k'o nik'atzin chike.

Wuj Richin ri Molojri'il 4:1

Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi.

Wuj Richin ri Isaías 41:17

Ri iwinaq ri man jun k'o kik'in nikikanoj kiya', jak'a man nikil ta. Ri kaq' kan xchaqi'j roma chaqi'j-kichi'. Jak'a yin Jehová kan xtink'uluba-pe ri kich'abel. Chuqa' yin ri in i-Dios kan man xkixinmalij ta kan.

San Lucas 4:18

Ri uchuq'a' richin ri Jehová ri wajaw kan k'o pa nuwi' yin; Kan xiruteq k'a pe richin ninya' utzilej rutzijol chike ri e k'ayewatajineq, richin yetotej ri ek'o pa ximonri'il. Richin nonbij chike chi k'o kolotajik chike rije'. Xitaq-pe richin ninben chike ri moyi' chi yetzu'un y richin yenkol ri winaqi' ri janila nikitej poqon.

San Lucas 7:22

K'ari' ri Jesús xubij chike ri tijoxela' ri': Wakami kixtzolin, y titzijoj chire ri Juan ri xitz'et kan y xiwak'axaj: Ri moyi' yetzu'un, ri e jetz' yebiyin, ri e yawa'i' rik'in ri yabil ri nutaluj-ri' yek'achoj, ri man ye'ak'ex ta yek'achoj, ri kaminaqi' yek'astej y ri winaqi' ri man jun k'o kik'in, ninbij ri utzilej ch'abel richin kolotajik chike.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

1 Sam 22:2

Chuqa' xkimol-ki' rik'in konojel ri e poqonatajineq, konojel ri k'o kik'as, konojel ri man nikikot ta ri kánima. Y ja ri David xok-el aj-raqen pa kiwi' rije' y xerachibilaj-el más juba' e 400 achi'a'.