Toq k'a man jani katintz'uk rik'in ri ate'; yin kan wetaman chik awech. Kan k'a man jani k'a katalex, toq yin at nucha'on chik. Xatincha' richin naq'alajirisaj ri nuch'abel chikikojol konojel tzobaj winaqi' richin re ruwach'ulew, xcha'.
Ri Jehová ja rija' ri xbanon qichin richin xojok rusamajela' toq k'a man jani qojalex. Xojruben richin xeruk'en-pe ri juba' chike ri qawinaq ri ek'o na kan. Y rija' kan ruya'on ruwaqaq'ij, y janila quchuq'a', yecha'.
Ri israelita nikibij: Qojiwak'axaj k'a rix winaqi' ri ixk'o pa taq'aj ruwach'ulew, chuqa' rix ri ixk'o nej chire ri ruwach'ulew. Ri Jehová xojroyoj k'a ja toq man jani qojalex. Kan xunataj yan ri qabi' toq k'a man jani ojk'o.
Jebel ruwa-ruq'ij ri wineq ri nukuquba' ruk'u'x awik'in rat Jehová, y man nukuquba' ta ruk'u'x kik'in winaqi' ri kinimirisan-ki', ni man nutzeqelibej ta ch'aqa' chik dios.