Wuj Richin Bix Chire ri Dios 71:5 - Kaqchiquel Bible

⁵ Roma kan ja rat ajaw Jehová ri at woyoben, rat ri at nukuqubabel-k'u'x kan ja toq in ak'ual y k'a re wakami.

Wuj Richin Bix Chire ri Dios 71:5 ပူးပေါင်းရင်းမြစ်များ

Wuj Richin ri Jeremías 17:7

Jak'a jebel ruwa-ruq'ij ri wineq ri rukuquban ruk'u'x wik'in yin, ri kan nroyobej ronojel wik'in yin.

Wuj Richin Bix Chire ri Dios 39:7

Wakami k'a wajaw ¿Achike ta chik k'a xtinwoyobej? Yin kan awik'in k'a rat nukuquban-wi nuk'u'x.

Wuj Richin Bix Chire ri Dios 71:17

Nimalej Dios, kan k'a pa nuk'ajolil k'a aya'on ri tijonik chuwe; y k'a re wakami, yin kan nuq'alajirisan-pe ri meyel taq abanobal.

Wuj Richin Bix Chire ri Dios 119:81

Ri wánima kan nilawalo' yan qa chi royobexik ri kolotajik ri naya' rat Jehová. Kan jantape' k'a xtinkuquba' nuk'u'x rik'in ri ach'abel.

Wuj Richin ri Jeremías 17:17

Man k'a naben chuwe richin nik'oje' akiy chinuwech, ja rat ri at nutobal chupan ri q'ij richin ruk'ayewal.

Wuj Richin Bix Chire ri Dios 119:166

Jehová, yin kan woyoben k'a richin yinakol. Kan jantape' nubanon-pe ri nubij ri apixa'.

Romanos 15:13

Ri Dios nuben k'a chiwe chi jantape' kuqul-apo ik'u'x rik'in. Y ri nurayibel yin chiwe rix, chi rija' nunojisaj ta ri iwánima rik'in ronojel kikoten y uxlanen roma ri kuqubabel-ik'u'x. Richin keri' xkixruto' ta rik'in ri ruchuq'a' ri Loq'olej Espíritu, richin chi kan kuqul ik'u'x niwoyobej ri rutzil ri Dios.

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Wuj Richin ri Jeremías 14:8

Kan ja rat ri at oyobenri'il qichin roj. Kan at kolonel qichin chupan ri ruk'ayewal. ¿Achike roma yojato' xaxe jun q'ij y ri jun chik q'ij xa yabe?

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

San Lucas 2:40

Ri ak'ual xuchop k'a ruk'iyinen, y xk'oje' chuqa' el ruchuq'a'. Rija' kan ninimer k'a el rik'in etamabel, y k'o ri rutzil ri Dios pa ruwi'.

Wuj Richin Bix Chire ri Dios 13:5

Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

1 Sam 16:13

K'ari' ri Samuel xuchop ri uk'a' nojineq rik'in aceite y xuqasaj pa ruwi' ri David chiri' chikikojol ri rach'alal. Y chupan k'a ri q'ij ri' ri Espíritu richin ri Jehová xoqaqa pa ruwi' ri David. Y ri Samuel xtzolin-el pa tinamit Ramá.

Wuj Richin ri Jeremías 50:7

Toq ri e etzelanel iwichin yixkil, kan yixkik'is. Y k'ari' rije' nikibij chi man kimak ta ri keri' xkiben iwik'in, roma rix kan xixmakun chinuwech, ri in qitzij yuq'unel, achoq ik'in xkikuquba-wi kik'u'x ri ite-itata'.

Wuj Richin ri Molojri'il 12:1

Kan tik'oje' chi'ak'u'x chupan chijun ri ak'aslen y man tamestaj ri k'iytisanel awichin. Rokik k'a at k'ajol na y man jani katapon chupan ri ajuna' toq xtabij: Ronojel ri k'o xa man jun chik kikoten nuk'en-pe chuwe.

Wuj Richin Bix Chire ri Dios 42:11

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' nukolotajik y nu-Dios yin.

1 Rey 18:12

Rik'in juba' xa xtik'uluwachitej chi toq yin yibe, ri ru-espíritu ri Jehová xa xkaruk'uaj chik el juk'an, akuchi ri man wetaman ta yin. Y wi yin ninbenya' rutzijol chire ri Acab y rija' xa man yaril ta chik re wawe', jari' k'a toq rija' xkirukamisaj yin, y kan man ruk'amon ta k'a chi keri' nibanatej wik'in roma yin xa kan k'a in ala' na toq nuya'on-pe ruq'ij ri Jehová.

2 Crón 34:3

Chupan k'a ri waqxaqi' juna' chire ri ruq'atbal-tzij, rija' kan k'a ala' na. Man rik'in ri', kan xukanoj k'a ri ru-Dios ri David ri rumama'. Y chupan k'a ri kablajuj juna' chire ri ruq'atbal-tzij xuchop rujosq'ixik ri tinamit Jerusalem y chijun ri Judá, chire ri akuchi nikiya-wi kiq'ij ri wachibel ri pa ruwi' taq juyu', ri paban-che' richin Asera, ri wachibel e paban y ri wachibel ri e ya'erisan pa q'aq'.