Wuj Richin Bix Chire ri Dios 71:24 - Kaqchiquel Bible

²⁴ Yin kan chijun q'ij xaxe k'a ri ruchojmilal ri naben rat, ri xtinbij. Roma ri xkajo' chi xinkiya' ta pa k'ayew xa xek'ixbitej y xsach kik'u'x.

Wuj Richin Bix Chire ri Dios 71:24 ပူးပေါင်းရင်းမြစ်များ

Wuj Richin Bix Chire ri Dios 71:13

Kek'ixbitej y kek'is jumul konojel ri e etzelanel wichin; kan tikaqer k'a kipalej roma k'ix y xtisach kik'u'x ri nikajo' chi yin yik'oje' pa k'ayew.

1 Corintios 15:25

Nik'atzin chi ja ri Cristo niq'aton-tzij k'a toq xech'akatej yan konojel ri ye'etzelan richin, y xtuben chike chi xkeqaqa pa ruq'a'.

Wuj Richin Bix Chire ri Dios 92:11

Yin kan xintz'et k'a ri xkik'uluwachij ri e etzelanel wichin. Kan xinwak'axaj k'a toq yesik'in ri e yakatajineq chuwij.

Wuj Richin Bix Chire ri Dios 35:28

K'ari' jantape' k'a xtintzijoj ri ruchojmilal ri naben rat, y kan chijun q'ij k'a xtinya' aq'ij.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

Wuj Richin Bix Chire ri Dios 71:15

Yin kan chijun q'ij k'a xtintzijoj ri ruchojmilal ri naben rat. Xtintzijoj k'a ri rubanik richin xojakol, stape' man yitikir ta ninbij ronojel, roma man e ajlatel ta.

Wuj Richin Bix Chire ri Dios 71:8

Kan xaxe ta k'a ri bix chawe rat ri xtel-pe pa nuchi', kan chijun q'ij ta k'a xtinya' aq'ij ak'ojlen.

Wuj Richin Bix Chire ri Dios 37:30

Ri choj ruk'aslen kan nich'on rik'in na'oj. Kan nich'on k'a rik'in ruchojmilal.

Deut 11:19

Ke'itijoj k'a ri iwalk'ual chire re ch'abel re' toq ixk'o pa taq iwachoch, toq ix beneq pa taq bey, toq yixkotz'e-qa y toq yixyakatej-el.

Wuj Richin Bix Chire ri Dios 70:3

Ri kan janila yetze'en y yesik'in chuwij, tabana' k'a chike chi xke'animej ta rik'in k'ix.