Wuj Richin Bix Chire ri Dios 71:19 - Kaqchiquel Bible

¹⁹ Nimalej Dios, ri ruchojmilal ri naben kan napon k'a chila' chikaj. ¡Kan abanon k'a nima'q taq banobel! ¿Achike ta chik k'a jun k'o achi'el rat?

Wuj Richin Bix Chire ri Dios 71:19 ပူးပေါင်းရင်းမြစ်များ

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.

Wuj Richin Bix Chire ri Dios 57:10

Ri ajoyowanik rat, kan janila nim ri kan niberuq'i' ri kaj, kan napon k'a rik'in ri sutz' ri asujun chiqe.

Wuj Richin ri Isaías 55:9

Achi'el k'a ri kaj ri k'o más nej chire ri ruwach'ulew, kan keri' k'a ri nubey, kan más nim chuwech ri ibey rix, y ri nuch'obonik yin kan más nim chuwech ri ich'obonik rix.

San Lucas 1:49

Roma ri Dios ri nitikir nuben ronojel, kan k'iy nima'q taq utzil ri rubanon-pe wik'in. Kan loq'olej-wi ri rubi' rija'.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.

Wuj Richin ri Isaías 40:25

Ri Dios nubij: ¿Achoq ik'in k'a xkinijunamaj-wi? ¿Achoq ik'in kami in junan yin ri Loq'olej richin Israel?, xcha'.

Wuj Richin ri Isaías 40:18

Ri Dios man jun achoq ik'in nijunamex-wi, ni man nijunamex ta rik'in jun wachibel.

Wuj Richin Bix Chire ri Dios 86:8

Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Wuj Richin ri Achin Job 5:9

Kan pa ruq'a' ta ri Dios ninjech-wi, roma rija' kan yeruben nima'q taq banobel ri man yeq'ax ta chiqawech, y kan meyel taq banobel ri yeruben, y man e ajlatel ta.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Wuj Richin ri Isaías 5:16

Ri Jehová ri k'iytisanel richin ronojel kan xtuk'ul runimirinen roma pa ruchojmilal nuq'et-tzij. Ri loq'olej Dios xtuk'ut k'a ri ruch'ajch'ojil toq nuben ri ruchojmilal.

Wuj Richin Etamabel-Tzij 15:24

Ri bey ri richin ri k'aslen, kan nuben chire ri wineq aj-na'oj chi nibe pa jotol; kan nuben chuqa' chire chi tijel-el nej chire ri jul richin kamineq, ri xa pa xulan k'o-wi.

Wuj Richin Bix Chire ri Dios 139:6

Ronojel re etamabel re' kan meyel taq banobel chuwe yin. Kan janila nim, kan man niq'ax ta k'a chinuwech.

Wuj Richin Etamabel-Tzij 24:7

Chire jun wineq ri xa maneq runa'oj, kan nuna' chi man nuq'i' ta ri na'oj; roma ri', rija' kan man nrajo' ta nich'on ri pa taq molojri'il kichin ri winaqi' aj-na'oj.

Deut 3:24

Ajaw Jehová, rat kan achapon k'a pe ruk'utik chinuwech yin ri asamajel, ri nimalej ak'ojlen y ri awuchuq'a', ¿k'o kami jun chik Dios chila' chikaj y chuwech re ruwach'ulew ri nitikir nuben meyel taq banobel ri achi'el ye'aben rat?

Wuj Richin Bix Chire ri Dios 36:7

Kan janila k'a jebel ri awajowabal rat, ri man k'isel ta. Roma ri' konojel nikito-ki' chuxe' ri amujal rat.