Wuj Richin Bix Chire ri Dios 71:13 - Kaqchiquel Bible

¹³ Kek'ixbitej y kek'is jumul konojel ri e etzelanel wichin; kan tikaqer k'a kipalej roma k'ix y xtisach kik'u'x ri nikajo' chi yin yik'oje' pa k'ayew.

Wuj Richin Bix Chire ri Dios 71:13 ပူးပေါင်းရင်းမြစ်များ

Wuj Richin ri Jeremías 20:11

Jak'a rat Jehová atk'o wik'in yin. Ja rat at nukolonel ri k'o nimalej uchuq'a' awik'in. Roma ri' ri e etzelanel wichin kan xkech'akatej. Y man xketikir ta xkinkich'ek. Xa ja rije' ri xkek'ixbitej y kan xtaqasaj kiq'ij richin jantape'.

Wuj Richin Bix Chire ri Dios 35:26

Xa kan ke'ak'ixbisaj y tasacha' kik'u'x konojel ri yekikot chuwij roma ink'o pa q'axo'n. Taqasaj kiq'ij ri xkinimirisaj-ki' chinuwech yin.

Wuj Richin Bix Chire ri Dios 71:24

Yin kan chijun q'ij xaxe k'a ri ruchojmilal ri naben rat, ri xtinbij. Roma ri xkajo' chi xinkiya' ta pa k'ayew xa xek'ixbitej y xsach kik'u'x.

Wuj Richin Bix Chire ri Dios 109:29

Ri e etzelanel wichin kan ta k'a xtikiya' kik'ix. Kan ta k'a xtiqaqa ri sachibel-k'u'x chikij achi'el xa ta jun tzieq.

Wuj Richin Bix Chire ri Dios 35:4

Tasacha' k'a kik'u'x y ke'ak'ixbisaj ri nikajo' yinkikamisaj. Kan tikitzolij k'a ki' chikij, y tiqaqa k'ix pa kiwi' ri nikajo' nikiben etzelal chuwe.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Wuj Richin ri Isaías 41:11

Konojel k'a ri winaqi' ri ye'etzelan iwichin kan xkek'ixbitej, y kan janila xtiqasex kiq'ij. Chuqa' konojel ri yebanon oyowal iwik'in, kan xkek'is jumul.

Wuj Richin Bix Chire ri Dios 132:18

Jak'a kik'in ri e etzelanel kichin xtaben chike chi xtisach kik'u'x. Jak'a ri e rijatzul kan ri David jantape' k'a xkebe pa jotol.

Wuj Richin Bix Chire ri Dios 6:10

Ri e etzelanel wichin, xkek'ixbitej y xtikixibij-ki'. Xa xke'animej k'a chaq k'ate'.

Ester 9:2

Konojel ri winaqi' judío xkimol k'a ki' pa taq kitinamit chupan ronojel ri nima'q taq ruwach'ulew ri ek'o pa ruq'a' ri rey Asuero, richin nikiben oyowal kik'in ri e etzelanel kichin. Y kan man jun k'a ri nitikir ta nupaba-ri' chikiwech rije', roma ri xibinri'il xapon yan kik'in ri winaqi' ri man e judío ta.

Wuj Richin Bix Chire ri Dios 70:3

Ri kan janila yetze'en y yesik'in chuwij, tabana' k'a chike chi xke'animej ta rik'in k'ix.