Wuj Richin Bix Chire ri Dios 70:4 - Kaqchiquel Bible

⁴ Jak'a kan kekikot y kenimaq'ijun ri yekanon awichin. Y konojel ri yekikot rik'in ri akolotajik rat, kan jantape' tikinimirisaj ri abi'.

Wuj Richin Bix Chire ri Dios 70:4 ပူးပေါင်းရင်းမြစ်များ

Wuj Richin ri K'uxla'anik 3:25

Ri Jehová kan utz k'a qik'in wi niqakuquba' qak'u'x rik'in. Kan utz nuben qik'in ri yojkanon richin.

Wuj Richin Bix Chire ri Dios 40:16

Jak'a ri yekanon awichin, kan kekikot y kenimaq'ijun awik'in rat. Y konojel ri yematioxin roma ri kolotajik kan jantape' xtikinimirisaj ri abi'.

Wuj Richin Bix Chire ri Dios 35:27

Jak'a ri nikajo' chi yin yich'akon ta, kan kebixan y kekikot; tikibij chi rat Jehová ruk'amon ninimirisex aq'ij, roma nawajo' chi ri asamajela' nik'oje' uxlanen kik'in.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin Bix Chire ri Dios 97:12

Kan kekikot k'a rik'in ri Jehová ri choj kik'aslen, y kan tikiya' ruq'ij ri Jehová roma ri nima'q taq samaj ri e rubanalon.

San Juan 16:20

Kan qitzij k'a ninbij chiwe chi rix kan xkixoq' y xkixbison roma ri xtink'uluwachij yin. Jak'a ri winaqi' ri k'a kikuquban na kik'u'x rik'in re ruwach'ulew, xkekikot roma ri'. Man rik'in k'a chi kan k'o-wi bis ri pa taq iwánima, ri bis k'a ri' xtijalatej, xa kan xtok kikoten.

Wuj Richin Bix Chire ri Dios 5:11

Xkekikot k'a konojel ri kikuquban kik'u'x awik'in; jantape' k'a xkesik'in rik'in kikoten, roma rat kan ye'ato'. Ri ye'ajowan awichin, xkekikot awik'in rat.