Wuj Richin Bix Chire ri Dios 7:8 - Kaqchiquel Bible

⁸ Jehová ja rat ri yaq'aton-tzij pa kiwi' ri winaqi'. Taq'ata' k'a tzij chuqa' pa nuwi' yin, achi'el ri ruchojmilal ri nuk'aslen.

Wuj Richin Bix Chire ri Dios 7:8 ပူးပေါင်းရင်းမြစ်များ

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Wuj Richin ri Rutikeribel 31:53

Ja ri ki-Dios ri amama' ri Abraham y ri Nacor xtiq'aton-tzij pa qawi' roj oj ka'i', xcha' ri Labán. Y ri Jacob xujikiba-rutzij chuwech ri ki-Dios ri rutata' y ru-Dios chuqa' rija'.

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin Bix Chire ri Dios 25:21

Tabana' utzil kinakolo', roma ri nubanobal kan utz, y kan choj chawech rat. Roma yin kan nukuquban nuk'u'x awik'in.

Wuj Richin Bix Chire ri Dios 26:1

Jehová tabana' utzil taq'alajirisaj chi yin man jun mak nubanon, roma yin kan tz'aqet k'a ri nubanobal chawech. nukuquban nuk'u'x awik'in y man rik'in ta ka'i' nuk'u'x.

Wuj Richin Bix Chire ri Dios 26:11

Jak'a yin kan tz'aqet ri nuk'aslen yibiyin chawech. Roma ri' kinakolo' y tajoyowaj nuwech.

Wuj Richin Bix Chire ri Dios 41:12

Ja k'a yin kan in ato'on roma ri ruchojmilal ri nuk'aslen. Xtaben k'a chuwe richin xkik'oje' chawech rat jantape'.

Wuj Richin Bix Chire ri Dios 43:1

Nu-Dios yin, taq'ata' tzij pa nuwi', y taq'alajirisaj chi maneq numak. Kinato' k'a chikiwech ri winaqi' ri man yatkitzeqelibej ta, y chikiwech ri kan xaxe q'oloj y ri itzel taq banobel ri yekiben.

Wuj Richin Bix Chire ri Dios 78:72

Keri', kan xeruyuq'uj k'a rik'in ruch'ajch'ojil ránima; xeruyuq'uj k'a rik'in janila etamabel.

Wuj Richin Bix Chire ri Dios 82:1

Ri Dios kan k'o-wi chikikojol ri to'onela' ri yeq'aton-tzij Kan chikikojol k'a ri ch'aqa' chik dios nuq'et-wi tzij.

Wuj Richin Bix Chire ri Dios 9:8

Rija' xtiq'aton-tzij pa ruwi' ri ruwach'ulew rik'in ruchojmilal; kan xtuya' k'a pa kiwi' ri tinamit ri ruk'amon.

Wuj Richin Bix Chire ri Dios 96:13

Ronojel k'a re' tiqabana' chuwech ri Jehová ri xtipe. Kan xtipe k'a richin noruq'ata-tzij pa ruwi' ri ruwach'ulew. Rik'in k'a ruchojmilal xtuq'et-tzij pa qawi' qonojel ri ojk'o chuwech re ruwach'ulew. Xtuq'et-tzij pa kiwi' ri tinamit rik'in ri ruch'abel rija'.

Wuj Richin Bix Chire ri Dios 98:9

Ronojel re' xtik'uluwachitej, roma ri Jehová kan xpe richin noruq'ata-tzij pa ruwi' ri ruwach'ulew. Xtuq'et k'a tzij rik'in ruchojmilal. Xtuq'et tzij pa kiwi' ri tinamit, y xtuya' chike ri ruk'amon.

Wuj Richin Etamabel-Tzij 19:1

Kan más jebel ri wineq ri man jun ok k'o rik'in, xaxe wi ri ruk'aslen kan choj-wi; y mani ri wineq ri xaxe etzelal ek'o pa ruchi' y kan q'alaj chi maneq runa'oj.

Hechos 17:31

Roma rija' kan rucha'on jun q'ij richin toq xtuq'et-tzij pa kiwi' konojel winaqi'. Rucha'on chik k'a Jun ri kan choj xtiq'aton-tzij. Ri Dios xuq'alajirisaj chi qitzij chi ri Jun ri' xtiq'aton-tzij, roma xuben chire chi xbek'astej-pe chikikojol ri kaminaqi', xcha' ri Pablo.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

1 Tesalonicenses 2:10

Ri Dios kan xutz'et y rix chuqa', chi toq roj xojk'oje' iwik'in, ri qak'aslen kan utz wi chiwech rix, y kan man jun itzel xilitej pa qak'aslen.