Wuj Richin Bix Chire ri Dios 7:3 - Kaqchiquel Bible

³ Jehová nu-Dios yin, wi ta yin k'o ri man utz ta ri nubanon, wi k'o ta itzel taq banobel nubanon,

Wuj Richin Bix Chire ri Dios 7:3 ပူးပေါင်းရင်းမြစ်များ

Wuj Richin Bix Chire ri Dios 59:3

Roma jantape' kiq'eleben ri nuk'aslen. Ri nima'q taq achi'a' kimolon k'a ki' richin yinkiya' pa k'ayew. Nikiben ronojel re', stape' yin man jun numak nubanon.

1 Sam 24:11

Wajaw yin, tatz'eta' re ruchi' ri ko'ol raqen atziaq re k'o pa nuq'a'. Yin kan xintzak'ij kan, retal richin man xatinkamisaj ta. Tawetamaj k'a chi yin man jun itzel k'o pa wánima chawij rat, ni man yatinq'ol ta. Y rat yinakanoj richin nawelesaj ri nuk'aslen.

Wuj Richin ri Josúe 22:22

Ri Jehová Dios ri k'o pa kiwi' ri ch'aqa' chik dios, xtuq'alajirisaj chiwech ri qach'obonik, chi roj man xqaben ta q'anej re jun porobel re' richin yojyakatej chirij rija', roma wi ta keri' kan ja k'a rix ri xkixkamisan qichin ri'.

Wuj Richin Bix Chire ri Dios 66:18

Wi ta yin k'o mak pa nuk'aslen, ri Dios man ta xirak'axaj.

Wuj Richin ri Achin Job 11:14

Wi kan ye'aben k'a ri itzel taq rayibel ri yepe awik'in, katane' chikibanik; y man taya' q'ij chi nuben-qa rusok chupan ri ak'aslen.

1 Sam 24:9

Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

1 Sam 22:13

Jari' toq ri Saúl xuk'utuj chire: ¿Achike roma xjunamatej-awech rik'in ri ruk'ajol ri Isaí richin chi xixyakatej chuwij? Roma rat xaya-el ri kaxlan-wey y ri ru-espada ri Goliat chire, y pa ruwi' ri' xak'ulubej ri Dios pa ruwi' rija' richin chi in ruq'eleben. Y nuyala' pikbel pa nubey achi'el ri nuben wakami, xcha' ri Saúl.

1 Sam 20:8

Tajoyowaj k'a nuwech roma kan qabanon jun jikibel-tzij chuwech ri Jehová, y wi kan ja yin ri in aj-mak, kan ja k'a rat xkakamisan wichin. Man k'atzinel ta yinak'uaj-el chuwech ri atata', xcha' ri David.

1 Sam 22:8

Roma chi'iwonojel rix xa xjunamatej-iwech rik'in, roma man xibij ta chuwe chi ri nuk'ajol Jonatán xa kibanon jun tununri'il rik'in rija'. Kan man jun xjoyowan ta nuwech; chuqa' man jun biyon ta chuwe chi ri nuk'ajol xa itzel ajk'a nuna' chuwe. Xuben chire ri nuto'onel richin yiruq'elebej y wakami ruya'on pikbel pa nubey, xcha' ri Saúl.

Wuj Richin Bix Chire ri Dios 22:12

Ri winaqi' ri itzel nikina' chuwe kan kisutin k'a wij achi'el nikiben ri achija' taq wákix. Kan e achi'el k'a ri wákix ri e richin ri ruwach'ulew Basán.

Wuj Richin Bix Chire ri Dios 22:20

Takolo' ri wánima chuwech ri kamik. Chuwech ri kuchuq'a' ri itzel taq tz'i', takolo' ri nuk'aslen.